Kommune Qeqertalimmi qinikkat Qasigiannguani missingersuutit pillugit isumasioqatigiipput
Kommune Qeqertalimmi kommunalbestyrelse aamma Nunaqarfinni Aqutsisut Qasigiannguani missingersuutissat pillugit ulluni 22. aamma 23. juni 2021 isumasioqatigiipput.
Missingersuutit pillugit paasissutissat assigiinngitsut ulloq siulleq, 22. Juni 2021 qinikkanut saqqummiunneqarput, ilaatigut missingersuutit pillugit isumasioqatigiinneq sioqqullugu innuttaasunik tusarniaanerit, illoqarfinni tamani ingerlanneqarnerini, innuttaasut kissaataat illoqarfinni sullissiviit pisortaasa (bychefit) qinikkanut saqqummiuppaat.
Frank Rasmussen, ESANI A/S-ip pisortaa, suliffeqarfik pillugu ulloq 23. Juni aallarnerlugu saqqummiussivoq. ESANI a/s tassaavoq Kalaallit Nunaat tamakkerlugu Eqqagassalerinermik ingerlatseqatigiiffik, Kommune Qeqertalik kommunit pingasut allat assigalugit, ESANI A/S-imik piginneqataavoq, suliffeqarfiullu siulersuisuini ilaasortaatitaqarluni.
ESANI A/S pillugu saqqummiussineq naammassimmat, kommunalbestyrelsimut aamma nunaqarfinni aqutsisuni ilaasortat eqimattakkaarlutik, aalajangersimasumik suliaqarlutik oqallipput. Oqallinneq naggaserneqarluni ippassaammat missingersuutit pillugit paasissutissat assigiinngitsut saqqummiunneqartuni sammisat pingasut, eqimattap nammineerluni toqqagai. Tamatuma kingorna missingersuutit pillugit isumasioqatigiinneq eqimattakkaarluni saqqummiinermik naggaserneqarpoq.
Missingersuutit pillugit isumasioqatigiinnermi assit:
