Atuutissaaq 1. juni 2021-mit 30. juni 2021-mut
Kommune Qeqertaliup Kommune Qeqertalimmi innuttaasut inussutissarsiortullu saviminikunik, suliffeqarfiit tunisassiornerannit igitassat kiisalu biilit aamma maskiinat avatangiisinik mingutsitsisinnaajunnaarlugit suliarineqarsimasunik piffissami qulaani taaneqartumi akeqanngitsumik igitsinissaannik neqeroorfigai.
SAVIMINIKUNIK TUNNIUSSISARNEQ
Suliffeqarfiit namminneerlutik saviminikut illoqarfiup eqqaavissuarmi innersuussamukaannissaat isumagissavaat.
Innuttaasut, namminneq saviminikunik eqqaavissualiaassinissaminnut periarfissaqanngitsut, najukkaminni kommunip allaffianut saviminikunik aallertoqarnissaanik isumaqatigiissuteqarniarlutik saaffiginnissinnaapput.
Saviminikunik tunniussineq piffissami uani pisinnaavoq:
Ulluinnarni nal. 09.00 – 17.00
TUNNIUSSINERMI MALITTARISASSAT
Saviminikunik tunniussinermi imaattunik malittarisassaqarpoq:
- Saviminikut 7,5 tons sinnerlugu oqimaassuseqaqqusaanngillat aamma 5 meterit takinerpaaffigisinnaavaat.
- Saviminikut igitanik allanik akoqaqqusaanngillat.
- Biilikut aamma biilit savimerngit avatangiisinik mingutsitsisinnaajunnaarlugit suliarineqarsimassapput.
- Wiret imulluarneqarsimassapput qilerneqarlutillu imaluunniit 1 meterikkaarlugit killorneqassallutik.
APEQQUTIT
Aaqqissuussineq una pillugu apeqqutissallit ukununnga saaffiginnissinnaapput:
Aasiaat: Otto Sandgreen.
Kangaatsiaq: Karen T. Jessen.
Qeqertarsuaq: Jørn Wille.
Qasigiannguit: Jens Kristian Reimer.
Nunaqarfiit: Sullissivik.
Oqarasuaat +299 70 19 00
imaluunniit Mail: qeqertalik@qeqertalik.gl
NAMMINEQ AKILERNAGU EQQAAVISSUALIAASSASSANIK TUNNIUSSUINERMI PIFFISSARITITAASOQ QAANGIOUTEREERPAT
Saviminikut tunniussuinermi piffissarititaasoq qaangiutereerpat eqqaaviup avataaniittut nalunaarsorneqassapput aamma piginnittup akiligaanik iginneqarsinnaapput.
Suliassaqarfik INOQARFIK.
Avatangiiseq eqqagassallu.