Piffissami kingullermi qimmit angalaannartut Aasianni amerlapput, qimmit angalaannartut pillugit innuttaasut Sullissivimmut saaffiginnissutaat amerlapput.
Maanna Kommune Qeqertalimmi Suliassaqarfik INOQARFIK, Aasianni innuttaasut qimmiutillit paasitikkumavagut qimmiutillit inatsit malillugu qimmiutitik pitussimatinnissaat qulakkiissagaat.
Qimmit angalaannartut iliuuseqarfigissavagut peqatigiilluta. Qimmillu angalaannartut inatsit malillugu kommunimit iliuuseqarfigineqartassapput.
Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat nr. 18, 30.oktober 1998-imeersumi § 9-mi imatut allassimasoqarpoq, issuaaneq:
Qimmit arfinilinnik qaammateqalereersimasut kalunnernik pitussimassapput, mattusimaneqarlutik, ungaluukkani mattusimaneqarlutik imaluunniit pituutaqartinneqassallutik.
Imm. 2. Imm. 1-imi aalajangersakkanut ilaatinneqanngillat savaatillit qimmii, qimmit sulisitat naalakkersugaasut kiisalu qimmit illoqarfiup avataani aallaaniarnermut suliffiulluunniit avataatigut sammisaqarnernut atorneqartut aamma naalakkersugaasut, kiisalu qimmit qeqertani qimmilivinni akuerisaniittut.
Imm. 3. Qimmit pitussimanngitsut toqunneqarsinnaapput piginnittumut taarsiinissamut akisus-saaffittaqanngitsumik. Tamannali atuutinngilaq imm. 2 naapertorlugu qimminut pitussimasussaatitaanngitsunut.
Inussiarnersumik inuulluaqqusilluta.
Suliassaqarfik Inoqarfik.
Aasiaat, Kommune Qeqertalik.
