“Asasakka Kommune Qeqertalimmi innuttaasut.
Siullermik ukiortaami pilluaritsi, paasissutissiilaarniarpunga Corona Virus pillugu. Ippassaq Nunatta Nakorsaanera nalunaaruteqarpoq Danmarkimiit peqqinnissaqarfimmut suliartortut akornanni ataatsimik Corona Virusimik napparsimasoqalersimasoq tikinnermi kinguninngua. Taamaattumik maani aattortissimasut ilapput taavalu nalunaarutigivaat siammaassimanissaa ilimanaateqanngitsoq, immikkut allanut akuliussimanngimmat, nalunartut pillugit aallertorisimasai aamma mattunneqartut.
Upalungaarsimaneq eqqarsaatigalugu qularnaatsumiikkusulluta aalajangersimavugut sapaatip akunnerani uani Aasianni pisussat kinguartikkallarniarlugit, soorlu aqagu timersullammammik toqqaanissaq taavalu sapaatip akunnerata naanerani peqatigiiffinnik taavalu suliffeqarfinnik ilassinninnissaq, taakkua kinguartikkallarpagut sapaatip akunneranik sivisunerusumik, takoqqaarusukkatsigu ilumut siammaattoqarsimassanngitsoq, taannartaa qulakkeerluarusullugu.
Inassutigerusupparput sapinngisamik utoqqarnut, utoqqaat illuanullu pulaarnerit unikaallatsinneqassasut, aammalu maleruaqqusat pisiniarfiup iluani pisiniarnermi akuttussusissat malinneqassasut, errukulaarneq, spriterneq, taavalu quersorniaraani tallinut quersorneq taakkua immikkut malinneqassasut kissaatiginartorujussuuvoq, aammalu inuppassuarnut akuliunnissamut ersigaanni imaluunniit qularnaatsumik perusukkaanni inassutiginarpoq kiinnamut assiaqutit atorneqaqqullugit, immikkut isumannaallisarneq eqqarsaatigalugu.
Sapaatip akunneq tulleq paasissutisseeqqikkumaarpugut, tamassi ajunnginniarisi.”