Ulluunerani neqeroorutinut akigititat Namminersorlutik Oqartussat nalunaarutaat naapertorlugu aalajangersarneqartarpoq. Suliassaqarfimmi tassani aningaasartuutit allattoqarfimmit naatsorsorneqarput, nalunaarutillu imarisaani akigitinneqartunut nalimmassarneqarlutik. Allattoqarfiup siunnersuutigaa, isertitakinnerpaat ulluunerani neqeroorutinik akeqanngitsumik atuisinnaasut tamannami nalunaarummi periarfissaareermat. Aammattaaq 2021-imi akigititanut sanilliullugu 2 %-nik qaffaasoqarneratigut nalimmassaasoqarpoq. 2 %-nik qaffaaneq pissusiulersunik tunngaveqarpoq.
Kommunip Sullissiviini uffarneq akeeruppoq.
Umiatsianut, containerinut, qimmilivinnullu tunngatillugu nunaminertanik qinnuteqarnerni assigiinngitsuni, matumani ileqqoreqqusanut oqaasertaliussat peerneqarsimanerat ilanngullugu Pilersaarusiornermik aamma Nunaminertanik Allaffissornikkut Aqutsisoqarfimmiit oqaasertai allanngortinneqarput.
”Allat annikinnerusut, soorlu quit/illuaqqat, teknikkikkut illuaqqat assigisaallu sanaartornissamik akuersissutitaqanngitsut, majuartarfiit assigisaallu” pillugit suliamik suliarinninnermi akigititanut akigititassanik ilanngussisoqarpoq.
Eqqagassalerinermi akigititat oqaasertaat qulequtsersorneqarnermikkut ersarissarneqarput.
Akit allattorsimaffianni akigitinneqartut sinneruttut allat allannguuteqannginnissaat siunnersuutigineqarpoq.
Linki toorlugu Akit allattorsimaffiat takujuk:
Akit Allattorsimaffiat 2021. Kommune Qeqertalik.
Qullersaqarfik INUA.
Kommune Qeqertalik.
