Qeqertarsuarmi ileqqunngorsimasumik pisiniarfik ’Amiisoq’ december aallartikkaangat illoqarfitsinni meeqqanut pissakinnerusunut juullimut poortungassarsiassanik nunaqqatitsinnik ilisiffigineqarsinnaasumik orpilialertarpoq.
Meeqqat suiaassussat ukiuilu Inunnik Isumaginnittoqarfimmiit kisinneqartarput, taavalu suiaassuseq ukiulu allagartannguamut allallugit orpiliamut nivinngarneqarlutik tunissuteqarniartup arlaat qinersinnaallugu. Ukioq manna meeqqanut 53-inut naatsorsuisimavugut.
Tunineqarsinnaasut tamakkerneqarsimanngikkaangata pisiniarfik ’Amiisoq’ sinneruttunut poortuisarluni. Ukiut siuliinut naleqqiullugu ukioq manna nunaqqatigut tunniussaqarnerusimasut pisiniarfiup piginnittaa Najannguaq Kristiansen Broberg unnersiorpoq. Namminnerooq poortukkanik aatsaat taama ikitsigisunik poortuipput. Tassa poortukkat qulit missaannaat poorsimangamikkit.
Tallimanngorneq ulloq 18. december 2020 meeqqat angajoqqaallu Ilaqutariit Illuanni juullerpalaarlutik tunissutisinneqarput, saniatigullu soorunalimi juullisunnitsunnguanik najoqqangassaqarlunilu oqummiussasaqalaarluni.
Nunaqqatitsinnut, minnerunngitsumillu pisiniarfik ’Amiisoq’-mut qujarujussuarpugut.
Tamassi Juullimi pilluaritsi – Ukiumut qaangiuttumut qujanaq.
Inunnik Isumaginnittoqarfik
Suliassaqarfik INUIT, Qeqertarsuaq.