Qeqertalik Business Council aamma Destination Diskobay pisortaanertaarpoq.

14. december 2020

Gerth P. Olsen 1. Januar 2020 aallartiffigalugu Qeqertalik Business Council aamma Destination Diskobay-imi pisortaanertut atorfinippoq.

Gerth P. Olsen 38-nik ukioqarpoq Ilulissani peroriartorlunilu inunngortoq. Ilinniagaralugu Copenhagen Business Schoolimi niuernermik aqutsineq. Cand. Merc. - Økonomisk markedsføring. Ukioq 2013 ilinniakkani naammassigamiuk niuernermik nioqqutissanillu aqutsinermik suliaqarluni aallartippoq, siullermik Svenstrupimi Royal Greenlandip aalisakkanik tunissarsiornermik aqutsisoqarfiani kingullertigullu Tele-Postimi nioqqutissanik aqutsisoqarfimmi Commercial Product Manageritut sulilluni.

Foto: Gerth P. Olsen.

“Atorfittaannut suliartornissara qilanaareqalugulu pissanngatigeqaara, Kommune Qeqertalimmi inuussutissarsiornermi siunnersuisooqatigiit, suliffeqarfiit kiisalumi kommunip illoqarfiini nunaqarfiinilu innuttaasut peqatigalugit, kommunimi inuussutissarsiortoqarnera orniginarsarlugulu nutaaliorfigineqarnerunissaa suleqataaffigerusukkakku.”- Taama oqaaseqarpoq Gerth P. Olsen 

Qeqertalik Business Council aamma Destination Diskobay pillugu:

Kommune Qeqertalimmi kommunalbestyrelsimi Inuit ataqatigiit Atassutillu isumaqatigiissutigisaat naapertorlugu inuussutissarsiornermik aningaasaateqarfik Kommune Qeqertalimmi inuussutissarsiornermik takornariaqarnermillu siuarsaanissamik, ulluinnarnilu suliffeqarfinnik ingerlareersunik siunnersuinermik Kommune Qeqertalik tamakkerlugu ingerlataqartussat siorna pilersinneqarpoq atserlugu:

Qeqertalik Business Council aamma Destination Diskobay.

Qeqertalik Business Council aamma Destination Diskobay maanna aalajangiiffigineqarsimavoq suliffeqarfik imminut ingerlattuussasoq.

Siulittaasut:

14. August ataatsimiinnermi Qeqertalik Business Council aamma Destination Disko Bay siulittaasulerneqarpoq:

Siulittaasoq: Hanne Kristiansen, siulittaasup tullia: Hans Jørgen Mørch Siulersuisunut ilaasortanngorlutik: Jens Salling, Maliina Abelsen, Erne Lange Olsen, Knud Andersen, Jakob Jansen.

Pisortaaneq:

Gerth P. Olsen 1. Januar 2020 aallartiffigalugu.

Allaffiup inissisimaffissaa:

Arfanniat illuat, Aasiaat.

Kommune Qeqertaliup ukiuni tulliuttuni imatut aningaasaliiffigivaa:

2020: DKK 3.750.000

2021: DKK 3.806.250

2022: DKK 3.863.350

2023: DKK 3.921.300

Qeqertalik Business Council aamma Destination Diskobay suliarissavaat:

Qeqertalik Business Council aamma Destination Disko Bay siunertai tassaapput Kommune Qeqertalimmi inuussutissarsiornermik takornariaqarnermillu siuarsaanissamik, ulluinnarnilu suliffeqarfinnik ingerlareersunik siunnersuinermik Kommune Qeqertalik tamakkerlugu ingerlataqartussat.