Igasoq Qaleralilaaliorsimavoq neqeeqqallu.
Timersoqatigiiffik Oqilaatsoq ukiaq manna ukiuni 15-nini peqatigiiffittut nalliuttorsiorpoq.
Peqatigiiffimmut ilaasortaapput utoqqaat 55-sileereersimasut aamma siusinaarlutik sulisinnaajunnaarnersiuteqartut.
2009 aallarnerfigalungu Timersoqatigiiffik Oqilaatsoq Aasianni Meeqqerivik Kulloq-mi meeqqat sapaatip akunneri tamaasa pisuttuaqatigisarpaat, juullikkunni meeqqanut niisimaajusarlutik, ukiup ingerlanerani Meeqqerivik Kulloq-mi meeqqat assigiinngitsutigut peqatigisarlugit.
Peqatigiiffik Timersoqatigiiffik Oqilaatsoq Grønland`s idrætsforbundimut ilaasortaapput taamaalillutik Nunarsuarmi Timimik aalatitsinerpaaq 2030 anguniakkamut peqataallutik.
Kommune Qeqertalik aamma aalasa 2030-mut peqataaniarluni nalunaarnikuuvoq.
Nalliuttorsiornermut atatillugu Timersoqatigiiffik Oqilaatsukkut Meeqqerivik Kulloq-mi meeqqat ikinngutigilersimasatik Ataasinngorneq, Pingasunngorneq Sisamanngorneq ilanngullugu Aasiaat Timersortarfianni timersoqatigiillutillu unammiuaaqatigiipput, sisamanngorneq 17. oktober 2020 naggataarnersiorlutik nerersuaqatigiipput, borgmester Ane Hansen peqatingalugu Timersoqatigiiffik Oqilaatsukkunni siulittaasut meeqqanut persuarsiornartumik diplomminik, ballon, refleksinillu agguaapput.
