”Asasakka Kommune Qeqertalimmi innuttaasut aammalu maani Aasianniittut.
Corona pillugu paasissutissiinerit annertunngimmata nunatta qitiusoqarfianinngaanniit, Nakorsaaneqarfimminngaanniit, paasiniaasimavugut qanoq ullumikkut inissisimanerluta.
Qujanartumik paasisarput unaavoq Coronamik tunillatsissimasoq suli ataasiinnaavoq, aamma misissorneqartorpassuit taakkua tamarmik negativiusut, tassa ajunngitsut.
Suli pisarnissitut mianersorneq ingerlakkisiuk aammalu inuppassuit akornannut pinaveersaarisi, mianersornissarsi eqqarsaatigalugu aamma kissaatiginartorujussuuvoq maleruaqqusat taakkua suli sukannersut malinneqarnissaat.
Naatsorsuutigivarput sapaatip akunnerata tulliata aallartinnerani pingasunngorneq sisamanngornerluunniit Nunatta Nakorsaaneqarfia avammut nalunaaruteqarumaartoq qanoq inissisimanerput pillugu, tamatuma tungaanut immissinnut paarigisi, sapaatip akunneralu naalluarisiuk.”