Naatsorsueqqissaartarfiup kisitsisit nutaat takutippaat Kommune Qeqertalimmi 2015 -2017-mi atuartut meeqqat atuarfiat naammassigaangamikku inuusuttut ilinniarfianut GUX-mut ingerlariaqqittartut 71% imik qaffariarsimasut. Inuutissarsiummik ilinniarnermik ingerlariaqqittut 57%-imik qaffariaateqarsimasut.
Kommune Qeqertalimmi meeqqat atuarfiini atuartut naammassillutik inuusuttut ilinniarfiinut ingerlariaqqittartut qaffariaateqarput.
21. oktober 2020
Meeqqat atuarfiannit inuusuttut ilinniarfiinut ingerlariaqqittarrtut, atuareernerup kingorna, ukiut amerlassussaat misilitsinnernit, ilinniakkap qaffasissusaa, killiffimmik takussutissaq aamma soraarummeerfik. Najoqqutarisaq: Naatsorsueqqissaartarfik.
Angusanik qaffattoqarnerup pissutigivaa Meeqqat atuarfiini atuartunik sullissinermi iliuusissatut pilersaarusioqatigiittarneq. Atuartut ataasiakkaat iliuusissatut pilersaarutaat atuartitsissutini ataasiakkaani angusassat, atuartullu piginnaasaat tunngavigalugit suliarineqartarput. Ikinnerpaamik ukiumut marloriarluni atuartut tamarmik atuartitsissutini tamani iliuusissatut pilersaarusiuunneqartarput.
Atuartunut ataasiakkaanut iliuusissatut pilersaarusiornerup ilaatigut siunertarivaa, atuartut siunniussanik tamanik ilinniagaqarnissaat qulakkeerniassallugu, kiisalu angajoqqaanik suleqateqarnissaq aqqutissiuutissallugu.
Kommune Qeqertalimmi kommunalbestyrelsip ukioq 2020, meeqqat atuarfiini angusatigut pitsanngorsaanissaq immikkut siunissamut samminiarlugu aalajangiuppaat. Meeqqat atuarfiini atuartut soraarummeertussat ikinnerpaamik 80%-ii ukiup atuarfiusup naanerani meeqqat atuarfiiniit ilinniaqqiffinnut ingerlariaqqittassasut.
Nivikka Rosing.
Atuarfeqarnermut ataqatigiissaarisoq.
INUA, Kommune Qeqertalik
Najoqqutarisaq:
Naatsorsueqqissaartarfik