Ukioq manna kapisilinniarneq naatsorsuutigisamit ingerlalluarneruvoq, kapisilittassiissutillu sukkanerusumik nungunneqarlutik.
Kalaallit Nunaanni Aalisarsinnaanermut Akuersissutinik Nakkutilliisoqarfik nalunaaruteqarpoq kapisilinniarneq sapaatiuppat 20. september unitsinneqassasoq, taamaattumillu sunngiffimmi inuussutissarsiutigalugulu aalisartut kapisilinniarnissamut akuersissuteqartut ulloq taanna aamma aalisarfigissagaat kingulleq.
Ukiuni kingullerni aalisarnerit tunngavigalugit KANUAANA-p naatsorsuutigigaluarpaa aalisarneq sap.ak. sisamaniit arfinillit angullugit ingerlanneqarsinnaasoq, kisianni paasinarsivoq aalisarneq naatsorsuutigisamit ingerlalluarnerusoq taamaattumillu kapisilittassiissutit sukkanerusumik nungunneqarlutik.
KANUAANA-p ilisimatitsissutigisinnaavaa kapisilittassiissutinit 20,7 tonisnit ulloq manna tikillugu 15,6 tonsit pisarineqarmata.
KANUAANA aammaarluni kaammattuivoq aalisartut pisatik piaarnerpaamik nalunaarutigisassagaat. Erseqqissaatigineqassaaq aamma akuersissuteqartoq aalisariarsimanngikkaluarluni pisaqarsimanngikkaluarluniluunniit nalunaaruteqartussaammat. Ulloq 20. oktober 2020 kingusinnerpaamik nalunaaruteqartoqassaaq. Ulloq 20. oktober 2020 kingusinnerpaamik nalunaaruteqartoqanngippat, 2021-mi kapisilinniarsinnaanermut akuersissummik tunineqartoqarsinnaanngilaq.
Kapisilittat pillugit paasissutissat annertunerusut ujartuiffigikkit nittartakkami Sullissivik.gl.
Annertunerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik, GFLK@nanoq.gl, +299 34 50 00.
