Ulloq sisamanngornermi augutip 20-ani Qeqertarsuarmi atuartut tamarmik IPaditaartinneqarput. Ullormi tunniussinermi illoqarfimmi kommunalbestyrelsimut qinikkat Bia A. Broberg kiisalu Kristian Broberg, Kommune Qeqertalimmi Atuarfeqarfinnut ataqatigiissarisoq Nivikka Rosing, Aqutsisoq Inuit (Qeqertarsuaq) Per Andersen, Atuarfiup Pisortaa Ando Møller kiisalu Pisortap tullia Mina Marie Andersen najuuttoralugit IPadinik agguaaneq ingerlanneqarpoq.
IPadinik agguaaneq alloriarfikkaarlugit ingerlanneqarput, siulliullutik alloriarffiit siulliat, tulliullutik alloriarfiit akulliit kiulliullutillu agguaavigineqarput alloriarfiit angajulliit. Atuarfiup Pisortaa tikilluaqqusereermat Illoqarfimmi qinigaatigaasoq Kristian Broberg naatsumik oqaaseqarpoq. Oqaaseqareermallu Nivikka Rosing atuartunut oqaaseqarpoq, ilanngullugulu nassuiaatigaa Borgmester Ane Hansen ulapputeqarluni tukkussinnaannginnera pissutigalugu immiussamik takutitassiamik Atuartunut pilluaqqussummik nassiussillutik, taannalu atuartunut tamanut takutinneqarpoq. Naggataagut atuartunut alloriarfikkaarlutik agguaaneq ingerlanneqarpoq.
