Kommune Qeqertalimmi kommunalbestyrelsip anguniagaa pingaarutilik ullumikkut pilersitsiviusumik ataatsimersuarnermi pilersinneqarpoq.
Qeqertalik Business Council aamma Destination Disko Bay pilersinneqarpoq.
nutarsarneqarpoq 17.08.2020
14. august 2020
”Nuannaarutigeqaara persuarsiorlungalu kommunalbestyrelsi sinnerlugu piareersaatit ingerlatereerlugit ullumikkut Kommune Qeqertalimmi anguniagarput pingaarutilik aallarnerlugu pilersitsiffiusumik ataatsimeersuarneq siulleq najuuffigisinnaangakku. Pilersitarput Kommune Qeqertallip inuutissarsiornikkut takornariaqarnikkullu siuarsaaffiginissaani pingaaruteqaqaaq, siulersuisunngortussallu sulilluarnissaat qilanaareqaara, qilanaaqaangalu tapersersoqatigiilluarnissatsinnut” - taama oqarpoq Kommune Qeqertalimmi borgmester Ane Hansen pilersitsilluni ataatsimeersuarnermi najuuttoq.
Kommunalbestyrelsimi Inuit ataqatigiit Atassutillu isumaqatigiissutigisaat naapertorlugu angusassatatut siunniussaq aningaasaateqarfik kommunimut attuumassuteqarani inuussutissarsiortunik aningaasaateqarfik ingerlanneqartoq pilersinneqarpoq. Inuussutissarsiornermik aningaasaateqarfik kommunip ukiuni tulliuttuni imatut aningaasaliiffigivaa:
2020: DKK 3.750.000
2021: DKK 3.806.250
2022: DKK 3.863.350
2023: DKK 3.921.300
Kommune Qeqertalimmi Inuussutissarsiortunik aningaasaateqarfik ingerlanneqartup Qeqertalik Business Council aamma Destination Disko Bay ingerlatissavai.
Qeqertalik Business Council aamma Destination Disko Bay siunertai tassaapput Kommune Qeqertalimmi inuussutissarsiornermik takornariaqarnermillu siuarsaanissamik, ulluinnarnilu suliffeqarfinnik ingerlareersunik siunnersuinermik Kommune Qeqertalik tamakkerlugu ingerlataqartussat.
Inuussutissarsiortunik aningaasaateqarfik ingerlanneqartumi
Qeqertalik Business Council aamma Destination Disko Bay-mi ukua siulersuisunngorput; Jens Salling, Maliina Abelsen, Hans Jørgen Mørch, Hanne Kristiansen, Erne Lange Olsen, Knud Andersen, Jakob Jansen. Siulersuisunngortullu ataatsimeersuarnermi siullermi siulittaasussatut toqqarpaat Hanne Kristiansen siulittaasullu tulliatut Hans Jørgen Mørch toqqarlugu.
Siulersuisunngortut isumalluarfigeqaavut angusaqarluarnissaannillu kissaallugit.
Kommune Qeqertalik.
Hanne Kristiansen, Siulittaasoq Qeqertalik Business Council aamma Disko Bay.
Hans Jørgen Mørch, Siulittaasup tullia. Qeqertalik Business Council aamma Destination Disko Bay.
Jens Salling, Siulersuisunut ilaasortaq. Qeqertalik Business Council aamma Destination Disko Bay
Maliina Abelsen, Siulersuisunut ilaasortaq. Qeqertalik Business Council aamma Destination Disko Bay
Erne Lange Olsen, Siulersuisunut ilaasortaq. Qeqertalik Business Council aamma Destination Disko Bay
Knud Andersen, Siulersuisunut ilaasortaq. Qeqertalik Business Council aamma Destination Disko Bay.
Jakob Jensen, Siulersuisunut ilaasortaq. Qeqertalik Business Council aamma Destination Disko Bay