Ikerasaarsummi eqqaavilerisut/ anartarfilerisut
Eqqakkat pillugit iliuusissatut pilersaarut nutaaq naapertorlugu Kalaallit Nunaanni eqqaavissuit tamarmik salinneqartussaapput aamma igitat tamarluinnarmik ikuallaavimmut nassiussorneqassapput imaluunniit atoqqitassanngortinneqassallutik.
Ikerasaarsummi sivisuumik utaqqineqartoq saliinissaq pingasunngornermi aggustip ulluisa tallimaanni (5.august) aallartippoq, umiarsuarmi Adolf Jensenimi inuttat Ikerasaarsummi eqqaavilerisut/ anartarfilerisut suleqatigalugit igitat tamaasa nunaqarfimmiittut umiarsuarmik assartorlugit nassiuppaat, taamaalilluni eqqaavissuusimasup nalaa massakkut kusanarpoq eqqiluillunilu.
Ikerasaarsummiut tamarmik eqqaavissuusimasup salinneqarnissaanik ukiorpassuarni kissaateqarput. Innuttaasut nunaqarfimmi eqqakkanik erfattunik peqannginnera maanna nuannaarutigisinnaalerpaat.
Suliarujussuuvoq aamma Ikerasaarsummi eqqaavilerisut/ anartarfilerisut suliaminnut kusanartumut nersualaarneqarnissaminnut tulluartuuvoq oqaatigissallugu. Puussiarsuarpassuit puussianut anginerusunut (big bagsinut) ikioqqarlugit poortorneqarput umiarsuarmullu ikioqqarneqarlutik.
Sialuk apullu pitaruttaraluartut inuit eqqakkanik poortuipput qaqqamiit umiarsualivimmut aqqut ammut takisooq atorlugu assaartuillutik.
Igitat massakkut tamarmik aallarunneqareerput taamaalilluni eqqakkanik suliarinnittarneq nutaaq atorlugu aallartittoqarsinnaalerpoq; igitat tamarmik ataatsimut katersorneqartassapput qaammatillu tamaasa nunaqarfimmit umiarsuarmik aallarunneqartassallutik, taamaalilluni nunaqarfiup qeqqani eqqaavissuaqartariariaaruppoq.
Ikerasaarsummi eqqaavilerisut/ anartarfilerisut aammaarluta qujaffigerujussuarussappavut; saliinerat kusanartoq eqiasuillutik.
Inoqarfik, INUA. Kommune Qeqertalik
