airplanebooksbriefcase business cogs cross election entertainment fish house law lockmedicalpeopleselfservices socialtax

Kommune Qeqertalimmi INUIT politikki, meeqqanut politikki, utoqqarnut politikki aamma innarluutilinnut politikkit pilersinneqarput.

2. april 2020

Sisamanngorneq 26. marts 2020 kommunalbestyrelsit ataatsimiinnermini INUIT politikki, meeqqanut politikki, utoqqarnut politikki, innarluutilinnut politikki kommunalbestyrelsit akuersissutigivaat. Taamaalilluni Kommune Qeqertalik politikkut ataatsimoorussanik nutaarluinnarnik tunaartassaqalerpoq. 

Kommune Qeqertalimmi politikkikkut ineriartortitsinermini tunaartassiat ersarissut innuttaasut sulisullu qanimut suleqatigilluinnarlugit ineriartortinneqarput. Politikkikkut tunaartassiat Kommune Qeqertallip aaqqissuussaanera pisariitsoq nutaaliaasorlu tunngavigalugu ilusilersugaapput,  inuunermi pingaartitat, naleqartitat, kinaassuserput kulturerput nunarsuarmioqataanerpullu aallaavigalugit ilusilersugaasut.

Politikkikkut tunaartassiat innuttaasut sulisullu qanimut suleqatigilluinnarlugit suliaapput, siorna politikkut tunaartassiat suliaralugit aallartinneqarnikuupput, illoqarfinni nunaqarfinnilu tamani innuttaasunik tusarniaasoqarnikuuvoq kingornalu atorfilittanik tusarniaanerit tunngavigalugit ilusilersoqqinneqarlutik.

Politikkikkut tunaartassiat ukiuni tulliuttuni innuttaasunik sullissinermi kommunillu innuttaasunik sullissinermini ineriartortitsinermilu tunngaviussapput pingaarutillit, kinaassutsitsinnik kulturitsinnik minnerunngitsumillu nunarsuarmioqataanermi Nalagaaffiit Peqatigiit Meeqqat Pisinnaatitaaffiinik, Utoqqaat Pisinnaatitaaffiinik, Inuit Innartuutillillu Pisinnaatitaaffiinik toqqammaveqartinneqartut.

Inuit Politikkip, Meeqqanut Politikkip, Utoqqarnut innarluutilinnullu politikkiliornerup kingunerissavaa kommunimi utoqqarnut siunnersuisooqatigiinnik aamma innarluutilinnut siunnersuisooqatigiinnik pilersitsineq. Utoqqarnut innarluutilinnut siunnersuisooqatigiit piffissami tulliuttumi Kommune Qeqertalimmi pilersinniarneqartussanngorput.

(Allaaserisap kanani ataani politikkit atuakkit)


Borgmester Ane Hansen

”Politikkit sulisunik innuttaasunillu peqataatitsilluni ingerlanneqarnikuusut maanna naammassipput, kommunalbestyrelsinit  nuannaarutigivarput Inuit Politikkissami, Meeqqanut, Utoqqarnut, Innarluutilinnullu Politikkissami innuttaasut tusarniaanermi peqataalluarsimanerat. Piffissarlu manna iluatsillugu suleqataasimasut immersueqataasimasullu tamaasa qutsavigaakka piffissamilu aggersumi Politikkikkut tunaartarsiatta ineriartortinneqarnerani innuttaasut peqataalluarnissarsi qilanaaraarput” – Taama oqaaseqarpoq Borgmester Ane Hansen, Kommune Qeqertalik.

Uani kommunalbestyrelsit politikkit akuerisaat atuakkit/ quppersangaaranngorlugit ataatsimut saqqummersinneqartussat:

Inuit Politikki: PDF-fil

Meeqqanut politikki: PDF-fil

Utoqqarnut politikki: PDF-fil

Innarluutilinnut politikki: PDF-fil

26. Marts 2020 Kommunalbestyrelsit ataatsimiinneranni assi.

Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput. Akueriuk annertunerusumilluunniit uani paasisaqarit.