Sisamanngorneq 27. februar 2020 Kommune Qeqertalimmi kommunalbestyrelsit ataatsimiinneranni Kommune Qeqertalimmi atuarfeqarfiup aqunneqarneranut ileqqoreqqusaq akuerineqarpoq.
Kommunip atuarfeqarfiinut kommunalbestyrelsi immikkut ittumik akisussaaffeqarpoq aamma kommunimi meeqqat tamarmik atuartussaatitaasut meeqqat atuarfiini atuartussatut allatsinnissai imaluunniit meeqqat atuarfiani nalinginnaasumik anguniagalimmik atuartitaanissaat nakkutigisassaraa. Kommunalbestyrelsip atuarfiit suliaasa anguniagai sinaakkutaalu aalajangersartarpai. Kommunalbestyrelsip atuarfeqarfiit sullissineri nakkutigisarpai. Ileqqoreqqusap akuerineqarnerani atuutilersinneqarpallu anguneqarsinnaalerpoq atuarfeqarfinni assigiissakkamik suleriaaseqarnissaq pilersaarusiornissarlu.
Kommunalbestyrelsip nakkutiginnittussaatitaaneranut sakkussatut pitsaasutut, atuarfeqarfiit illoqarfinni nunaqarfinnilu ataatsimut sakkussaattut inatsisip nalunaartussaatitaanermut piumasaqaataanut atorneqassaaq, atuarfiup siulersuisui, atuarfiup aqutsisui atorfiillu, alloriarfinni misilitsinnerit inerneri, Inaarutaasumik misilitsinnermi agguaqatigiitsitsinerit inerneri, iliuusissatut pilersaarutit, Atuartut atuarfimmiit naammassisussanut iliuusissatut pilersaarutit, sulisut sulinngittarneri , atuaqatigiikkaani immikkoortillugit atuartut atuanngitsoortarneri agguaqatigiisillugit atuaqatigiiaat amerlassusiisa killigi, immikkullu annertusisamik atuartitsineq, ilinnialernissanut inuussutissarsiorfinnullu ilitsersuineq, atuartut angerlarsimaffianni atuartut amerlassusaat, pikkorissarnerit ilinniaqqinnerillu.
Kommunalbestyrelsip aqutsinermut ileqqoreqqusaq ukiut tamaasa atuarfiit aasaanerani atuanngiffeqarnissaat sioqqullugu naggammik ataatsimiinnerminni nalilersortassavaa naqqissortassallugulu aamma aqutsinermut ileqqoreqqusaq sukkulluunniit allanngortitersinnaavaa. Ileqqoreqqusap pilersinneqarnerani Kommune Qeqertalimmi atuarfiit pillugit inatsisit naapertuuttumik anguneqarsinnaalerput
