Borgmester Ane Hansen
Borgmesterip ukiortaami ilassinninnera.
17. februar 2020
Kommune Qeqertalimmi Borgmester Ane Hansen-ip kommunimi inoqarfinni tamani namminersorlutik inuussutissarsiutillit, pisortat suliffeqarfiutaanni sulisut, peqatigiiffinnik suliaqartunik, kajumissutsiminnillu suliaqartartunut ukiortaami ilassinnippoq 10. januar 2020.
Borgmester Ane Hansen-ip ukiortaami ilassinninnerani sammineqarpoq takornariaqarneq, angallanneq unnuisarfiillu.
Borgmesterip tikilluaqqusinermini kommuni, kommunillu aaqqissuussaanera pillugit saqqummiinermi saniatigut 26. november 2019 kommunalbestyrelsit ataatsimiinneranni aaliangiiffigineqartut siunniunneqartullu annikittumik saqqummiivigai:
Kommuni Qeqertalimmi inuutissarsiutinik siuarsaanissamik suliffeqarfimmik aallartitsiniarpoq.
Suliffeqarfik Qeqertalik “Business Council” aamma “Destination Disko Bay” aallartisarneqarput. Kommune Qeqertalimmi inuussutissarsiutit takornariaqarnerlu siuarsassallugit siunertaqartut saqqummiuppai.
Saqqummiussinermi Air Greenland-mi marketing-og salgsmanager -isup Katja Vahl-ip Air Greelandip sullissinermi sullisseriaasia saqqummiuppaa. Taamatullu Kalaallit Nunaannut takornariartartut ilisimaaralugu angalasartut asseqanngitsumik misigisassarsiorumasartut misisigissarsiortartullu, taakkuusullu pitsaasumik sullinneqarnissamik piumasaqartartut.
Sumiiffimmi soorlu Qeqertalimmi immikkoorutit suuppat? Qanorlu sumiiffinni inoqarfiusuni takornarialerinermi pilerinarsaasoqarsinnaaneranik saqqummiussinermini erseqqissarpaa takornarissat pingaartittaraat isumannaatsumik, immikkuullarissumillu misigisaqarnissartik. Taamaattumik pingaaruteqartoq Kommune Qeqertalimmi takornarianut misigisassat ersarissarnissaat.
Suut takornariap takuniassallugit kajungerisinnaavai:
• Tunisassiaq immikkuullarissoq sammisiuk – upperisiuk inerisaannavillugulu
• Unammillertisi nukinnik atuiffigivallaarnagit – nukitit pisisussamut atukkit tuniniakkallu immikkuullarissoq pitsanngorsartarlugu
• Ilinniarneq, oqaatsit nunanillu tamalaanik sammisaqarnerit tassaapput takornarissanik sullissinermi siuariartuutit iluatsitsiviusartullu.
Kalaallit Nunaata angalatitsiviani pisortamit Peter Bastrupimit siunnersuutitsialaat – Airgreenlandip saqqummiussaanit issuagaq.
Erik Bjerregaard, Hotel Arctic-ip pisortarisimasaata maannalu ukiorpassuanngortuni Visit Greelandimi siulersuisuni ilaasortaasoq saqqummiussinermini takornarialerinermi nunatsinni piusut ingerlariutsillu ilisimasani saqqummiuppai. Ilulissani mittarfissuassap pilersinneqarnissaanut pingaaruteqartoq Kommune Qeqertalimmi amerlanerusunik ersaarissunik takornarianik sullissisoqalernissaa, amerlanerusunik takornarianut unnuisarfeqalersinnaanera takornarianut periarfissaareersut saniatigut. Aasiaat oqaluttuarisaanermi arfanniaqarfissuusimammat tulluartoq Aasianni takornarianut “Whales of Greenland” arfernik katersugaasivik, arferit pillugit paasisassarsiorfissamik illorsuarmik pilersitsisoqarsinnaanera nunarsuup sinnerani aningaasaliisartunik ujartunikkut piviusunngortinneqarsinnaasumik.
Inoqarfiillu sinnerini takornarianut misigisassarsiorluni aalisariartitsinerniik, pinngortitaq nipaatsoq, alinaatsoq takornariarfigissallugit piukkunnarluartut takornarianut tikitassatut misigisassarsiorfissatut piorsaaffigineqarsinnaaneri saqqummiusssaasa ilagaat. Aaamma Qeqertarsuaq, Aasiaat umiarsuit takornariartaatinut tikikkuminarsarneqarsinnaaneri pilersaarusiorluarnikkut aqutamik anguneqarsinnaalluartut.
Saqqummiussisut tamarmik Kommune Qeqertalimmi Qeqertarsuarmi Qasigiannguanilu takornarianut neqeroorutinik ersaarissunik peqarnerat maluginiarluarsimavaat
Ilulissani mittarfittaassaq Kommune Qeqertalimmut takornariaqarnerup tungaatigut iluaqutigisinnaasai:
Qeqertaliup illoqarfii nunaqarfiilu takornarianit ornigarneqarluartunngorsinnaapput, eqqissisimaarfiusut, pinngortitaq kulturilu allanngorsagaanatik ileqqumisut ittut kiisalu immikkuullarissumik tunuliaqutaqarluni neqeroorutit.
Erik Bjerregaard – saqqummiussaani issuagaq.
Kommune Qeqertalimmi illoqarfinni nunaqarfinnilu namminersorlutik inuussutissarsiutillit, pisortat suliffeqarfiutaanni sulisut, peqatigiiffinnik suliaqartut, kajumissutsiminnillu suliaqartatut internetsikkut attaveqaat skype aqqutigalungu ilassineqarput.
Taamaasilluni peqataasut takornariaqarneq pillugu isumassarsianik pilersitsisinnaanermut avitsivigineqarput Borgmester Ane Hansen-ip ukiortaami ilassinninnerani.
Oqalugiaatigineqartut taamatullu saqqummiunneqartut uani takukkit:
Air greenlandimi marketing-og salgsmanager Katja Vahl saqqummiussai: PDF fil saqqummiussat
Erik Bjerregaard-ip saqqummiussai: PDF fil saqqummiussat
