Utoqqaat peqatigineqarnerulerput.

23. december 2019

Aasianni 2006 aallarnerfigalungu peqatigiiffik Timersoqatigiiffik Oqilaatsukkut, meeqqat meeqqerivimmiittut pisuttuaqatigineqartarneri aallartippoq.

Maanna Aasianni meeqqerivik Ukaleq utoqqarnik peqateqarnerulernissaq, Aasianni utoqqaat illuanni sulisut isumaqatigalugit aallartippoq. Meeqqerivik Ukalermiut utoqqaallu illuani najugallit paarlagiiaallutik qaammatit tamaasa pulaaqatigiittalissapput.

”Ullumikkut
aallartippugut  utoqqaat Meeqqerivik
Ukaleq-mut iseramik takornariaqqaarput. Utoqqaat pulaarnissaasa tungaanut
meeqqat kaageeraliorlutik piareersarput, pulaarneranni utoqqaat eqqaamasaminnik
oqaluttuarput, meeraagallaramik juullisiortarnerminnik,
silatangiaasarsimanerminnik aammalu mitaartarsimanerminnik.

Utoqqaat
kaagiarartuutiutigalutik oqaluttuarput, meeqqallu tusarnaarnerminni
kaagiaraliaminnik kaagiarartuutiutigalutik tiguartisimallutik tusarnaarput.

Meeqqat utoqqarnik
peqateqartarnissaat anguniarparput, ilaat ulluinnarni utoqqarnik peqateqarneq
ajormata aammalu utoqqaat misigisaqartikkumallugit nuannersumik.”- Taama
oqaaseqarpoq Meeqqerivik Ukaleq-mi pisortaq Ivalo Thorin.

Taamatuttaaq Qasigiannguani pingasunngorneq 4. december 2019 aallarnerfigalugu utoqqaat najugaqartut kiisalu utoqqaat illoqarfimmi najugaqartut siullermeerlutik ”Qeersaat illuat”-ni naapipput. Tamanna angerlarsimaffimmi ikiortit palaseqarfiullu suleqatigiinnerisigut ingerlanneqalerpoq.

”Taamanna
aaqqissuussineq aallaaveqarpoq oqariartuut ”utoqqaat kiserliortut” piffissami
kingullermi tusagassiutitigut eqqartorneqartoq iliuuseqarfiginiarlugu.

Katerinnermi
tussiaqatigiittoqarpoq, biibilimiik oqaatsinik atuaasoqarluni kiisalu ”kvaniap
juullia siulleq” atuffassisutigineqarluni.  

Tulliani naapinneq
pivoq 18. december 2019 nal. 13:00 .”- Taama oqaaseqarpoq illoqarfiit
sullissiviini pisortaq: Søren H. Lange.

 

 