Nuannaarutigalugu nalunaarutigissavarput Kommune Qeqertaliup Kangaatsiami atuarfissaq nutaaq suliarinnittussarsiuullugu aallartikkamiuk.
Neqerooruteqarnissamut najoqqutassat naammassinissaannut suliaq kiisami naammassivoq, suliassallu titartarneqarnerani susassaqarfiit attuumassutillit tamarmik peqataatitaanikuupput. Atuarfitsialak naapertorlugu titartaatitsinerit ingerlanneqarnikuupput, atuisussanut avatangiisit qitiutillugit suliaqartitsinikuulluta. Atuarfittaassaq nutaaq atuartunut, sulisunut Kangaatsiamilu innuttaasunut iluaqutaassaqaaq.
”Nuannaarutigaarput pissangagalungulu kiisami sanaartornerup aallartinnissaa qanillimmat, neriuutigaarput sanaartorneq piffissaq eqqorlugu ingerlanneqassasoq. Aatsaammi taamak annertutigisumik Kommune Qeqertalimmi sanaartortoqalermat” – Taama oqaaseqarpoq Borgmester Ane Hansen, Kommune Qeqertalik.
Suliassap maajimi, 2020, aallartinneqarnissaa naatsorsuutigineqarpoq, decembarillu qiteqqunnerani, 2021, naammassineqarnissaa naatsorsuutigineqarluni.
Tamanut ammasumik suliariumannittussarsiuussineq uani takuneqarsinnaavoq.
