Borgmester Ane Hansen, Kommune Qeqertalik.
Aalisartut piniartullu ullumi ulluanni, aalisartut piniartullu tamassi pilluaritsi! Kommune Qeqertalimmi qanimut suleqatigiinneq pingaarteqaarput, tamassumalu ingerlatiinnartuarnissaa kissaatigaarput.
Piniakkat assigiinngitsut pillugit ilisimatusarnerit ingerlaavartut ukiut tamaasa tusaamasarpagut, tamakkulu Nuummi Piniartunut Aalisartullu peqatigiiffiinut kattuffiinullu, pisortaqarfinni atorfilinnut attuumassuteqartunullu tamanut, Pinngortitaleriffimmit saqqummiunneqartarput.
Ilisimatusarnermi paasisat kiisalu pisassiissutissatut siunnersuutit tunngavilersukkat nutaanerpaat saqqummiunneqartarput.
Saqqummiussinerni peqataasut paaserusutaminnik apeqquteqarsinnaasarput oqaaseqaateqarsinnaasarlutillu, sinerissalli sinnerani pisortaqarfiit piniartut aalisartullu peqatigiiffi taamatut periarfissinneqangisaannarput.
Illoqarfiit pingaarnersaata taamatut periarfissaqartitaanera pitsaasuuvoq ajunngilluinnartoq, eqqaamaneqartariaqarporli sinerissami illoqarfeqarmat nunaqarfeqarlunilu, Pingortitaleriffimmik aamma atueqataasunik, taamatullu pineqarnissamik piginnaatitaaffeqartariaqartunik.
Kommune Qeqertalimmiit piniartut aalisartullu ullorsiornerat iluatsillugu, naalakkersuinikkut suliaqartunut inassutigissavarput, kommuninut tamanut Pinngortitaleriffik ilisimatusarnermi pisassiisarnerminilu inassuteqaatinik siammaalluni periarfissinneqarnissaa.
Kommune Qeqertalik pilersaaruteqarpoq Pinngortitaleriffiup saqqummiiartoqqullugu qaaqqunissaanut.
Inussiarnersumik inuulluaqqusilluta:
Ane Hansen, Kommune Qeqertalimmi borgmesteri.
Hans Aronsen, Siulittaasoq, Ataatsimiititaliaq Inoqarfik.
