Ulluni makkunani Meeqqat illersuisuat Kommune Qeqertalimmi angalaarpoq, innuttaasunik naapitsiartorluni meeqqat atugarisaat pillugit misissuissallutik.
Tallimanngorneq 25. oktober 2019, meeqqat illersuisuata MIO-milu sulisut, Kommune Qeqertalimmi Borgmester Ane Hansen, kommunemilu atorfilittat avitseqatigiinnertalimmik naapisimaarput.
Naapinnermi MIO-p suleriusertik saqqummiuppaat, angalanerillu siulii assigalugit aappaagu saqqummersussamik nalunaarusiortoqassaaq.
Naapinnermissaaq Kommune Qeqertalimmi meeqqanut inuusuttuaqqanullu sullissineq meeqqat illersuisuannut saqqummiunneqarput.
MIO-p Qeqertalimmi angalanera MIO-p facebookkia aqqutigalugu malinnaavigineqarsinnaavoq.
