Tallimanngorneq 30. august Aasianni fitness.gl immikkoortortaqarfimmik ammaavoq, ilaasortanut ulloq unnuarlu ammasumik.
Fitness.gl Allan Juhlimit Nuummeersumit pigineqarpoq, maannalu Nuummi, Ilulissani Aasiannilu immikkoortortaqarfeqalerluni.
"Innuttaasut peqqissuunissaat siunertaraarput, ikioqatigiinnikkullu manna ammarparput." Ammaanermi Allan Juhl taama oqarpoq.
Borgmester Ane Hansen, ammaanermi allunaasamik qiorsisuuvoq, Allan Juhlip panii marluk peqatigalugit. Borgmesterip oqaatigaa, kommune innuttaasut peqqissuunissaannut suliniutinut tapersersuiuarusuttoq.
