Borgmester Ane Hansen: Pinngortitami ikuallannernut upalungaarsimaneq nunatsinni ataatsimoorullugu suliarineqartariaqarpoq.

”Ukiuni kingullerni nunarsuaq tamakkerlugu silaannaap kissatsikkiartornerani nunat panernerannik aallaaveqartumik nunarujussuit ikullattarneri annertusiartorput. Tamannalu nunatsinni aamma malungeqaarput inoqarfiusuni, uumasoqarfinni piniariartarfinnilu. Maanna piffissanngorpoq inoqarfiit upalungaarsimanermik illersorneqareersut killingat qaangerlugu, nuna tamakkerlugu naalakkersuinikkut pinngortitami ikuallattoqarnerani upalungaarsimasoqalernissaata suliniutigineqarfigilernissaa. Taamaalilluni siunissaq ungasinnerusoq qaninnerusorlu eqqarsaatigalungit Kalaallit Nunatsinni nunat panerlutik ikuallanneranni qamisaanissamut upalungaarsimasoqalerniassammat.  Nunatsinni nunarujussuit ikuallanneranni qatserinermi qamisaanermik ilisimasallit, qamisaanermilu atortut amingaatigaavut” – Taama oqaaseqarpoq: Borgmester Ane Hansen, Kommune Qeqertalik.

"Maanna Sisimiut Kangerlussuullu akornanni nunap ikuallarujussuarnerani Qeqqata Kommunia qatserinissamut ikiortissarsiormat Kommune Qeqertalimmiit qatsersisartut  Qeqqata Kommuniani ikuallaffiusumut qamisaajartortillugit ikiuukkiartortitsivugut ikiuunnisarput pisariaqartinneqavissoq takusinnaagatsingu. Maanna siunissami pisuni taamaattuni piaarnerusumik ikioqatigiinnerup aallartinneqartarnissaa pilersaarusiussallugu pisariaqalerpoq – kalaallimmi uagut kulturitsinnut atasumik pinngortitamik atuisorujussuuvungut isumannaatsumillu atuisinnaanissarput ataatsimoorluta upalungaarsimanermut tunngasunik pilersaarsusiornissarput pisariaqalerpoq.”- Taama oqaaseqarpoq: Borgmester Ane Hansen, Kommune Qeqertalik.

Nunarujussuaq suli ikuallammat marlunngorneq 13. august aallarnerfigalungu Qallunaat Nunaanniit inuit 38-vit qamisaanermullu atortorpassuit nassarlugit Sisimiut tikillutik nunami ikuallattumi innermik qamisaaqataapput.