Pikkorissarnerit eqimattanut marlunnut avillugit uge 17-18-milu ingerlanneqarput. Pikkorissarnermi peqataasut ulluinnarni sullissinerminni annertuumik sakkussaminnik pissarsisimapput.
Ilisimasat periutsillu puiguttunngornermi tunngavillit, ullutsinni aamma nutaanngoqqissimasut,
taamaasillutik pisariaqartilluinnakkatik pissarsiarisimavaat.
Pikkorissaasuuvoq ukiorpassuarni nunatsinni utoqqaat illuini pisortaasarnikoq,
puiguttunngornerlu pillugu annertuumik suliaqarsimasoq, peqqissaasoq Rosemarie Elsner.
Puiguttunngortup eqqaamasaataa annikillisarpoq, ulluinnarni inooriaatsimini piginnaasai annikillisarput uisakajaartunngortarlunilu. Taamaasilluni puiguttunngortoq aallaavingalugu sullissineq ingerlanneqalersarpoq naak ilaqutaasut piuguttunngortoq ilaatigut paatsiveerusimaarfiini suli ikiorluarneqarnissaa ujartortaraluaraat sullitaq aallaavigalungu sullissineq ingerlanneqartarpoq.
Inuiaqatigiit imaluunniit puiguttunngortup ilaqutaasa kissaataat salliutinneqaratik piuguttunngortorli qitiutillugu sullissinerit ingerlanneqartarput. Puiguttunngortoq illersorniarlugu. Taamaasilluni sullinneqartoq puiguttornermini uisakajaarneq atugarileraluaraa qitiutinneqarluni sullinneqassaaq. Inuunermilu sinnera sinaakkutaqarluarluni atorsinnaalissavaa paaqqutarineqarnermigut.
Pikkorissarnermi ilaatigut Tom Kidwood-ip naasoq 5-nik sikkernilik malillugu puiguttunngortumut sullisseriaaseq malillugu suleriusissat pissarsiarineqarput. Puiguttunngortullu ullormiit ullormut misigissusai pissusai aallaavigalungit ataqqinnittumik attaveqariaaseq sammineqarportaaq.
Pikkorissarnerup malitsigissavaa sulisut ulluinnarni sulinerminni pikkorissarnerminni paasisamik atorluarnerulernissaa, ilisimasat misilittakkallu atorluarneqarnerulernissaat suliniutigineqarluni. Taassuma malitsigisaanik sulisut ilinniarsimasut atorfinitsinniarneri ingerlanneqarpoq.
