Eqqakkanik suliaqarnerup malitsigisaanik Kommune Qeqertalimmi Qeqertarsuarmi, Qasigiannguani Kangaatsiami nunaqarfiini, Aasiaallu nunaqarfiini eqqakkanut eqiteriviit maskiinat maanna nassiussuunneqarlutillu ikkussuunneqarput misilittarneqarlutillu.
Aasanerani Juunip qeqqaniit Decemberip naanerata tungaanut illoqarfinni nunaqarfinnilu eqqakkat eqiterlugit katersat Aasiannut immakkut angallallugit ingerlanneqartalissapput, Aasianni eqqakkat eqitikkat katersorneqarlutillu ikuallanneqartassapput. Pilersaarutit malillugit eqqakkat katersukkat Aasianniit ikuallaavinnut anginerusunut nassiunneqartalissapput siunissaq ungasinnerusoq eqqarsaatigalungu.
Taamaasilluni Kommune Qeqertalimmi illoqarfinni nunaqarfinnilu eqqakkanik ikuallanneqarsinnaasunik suliareqqiineq qulakkeerneqassaaq.
Aasiannut eqqakkat eqitikkat illoqarfinniit nunaqarfinniillu imaanerani ingerlanneqartassapput.
Marts qaammat naalersoq eqqakkat eqiterlugit suliaqartussat, eqqakkanillu suliaqalertussanut ilitsersuisussat Kangaatsiami pikkorissartinneqarput.
Eqqakkanik eqiterivittaaq X25 Pallepresser misilittarneqarpoq eqqakkat puut 50 missaanik amerlassusillit misilillugu naqinneqarmata, naqitsineq iluatsilluarpoq.
Qeqertarsuarmi Qasigiannguanilu eqqakkanut eqiterivik angisooq Presto cc50 aamma Wrappereq atorneqalissapput.
Kangaatsiami Attumi, Iginniarfik, Ikerasaarsuk, Niaqornaarsummi Akunnaamilu eqqakanut eqiterivik mikineq X25 atorneqalissalluni.
Kangerlummi Kitsissuarsunni Ikamiunilu poorujussuit Bigbagsit poortuutigineqartalissapput.
