(Assiliisoq: Dorthea Frederiksen Isaksen )
Kasper angajoqqaavi Imerissuniit
Iginniarfimmut nuupput 1923 ukiariartornerani. Kasper
Brandt angutaa Thomas Brandt niuertunngorluni atorfinimmat.
Kasper Brandt inuuvoq 22. Januar 1924.
Kasper aalisartuullunilu piniartuuvoq, inuusuttuunerminiit motoorilerinermik pikkorissorsuuvoq. Saffiornermut pikkorissorsuummat Sisimiuni amutsivimmit sulileqqusaasimangaluarpoq. Kasper inuusuttuunermi nalaani inersimasunngornerminilu pujortuleeqqat sumiiffianut tikittut, motoorii aaqqissugassat, savimerngit saffiugassat akissaq pinnagu ikiuulluni suliarpassuaqarpoq. Umiartortuungamilu annaassiniaanerit arlallit aamma nalaassimallugit.
Kasper 95-siliinerani pilluaqquarput.
Kommune Qeqertalik Tusagassiivik