Borgmesterip ukiortaami peqatigiiffinnut kajumissutsiminillu suliaqartunut persuarsiornartumik ukiortaami ilassinnimmat. Aasianni, Kangaatsiami, Qasigiannguani, Qeqertarsuarmilu peqatigiiffiit siulittaasui tullersortaalu, kajumissutsiminnik suliaqartartut tamarmik qaaqquneqarmata. Attaveqaat skype atorlugu ilassinninneq ingerlanneqarpoq.
Borgmester Ane Hansen Kommune Qeqertallip aaqqissungaanera saqqummiuteriarlugu, illoqarfinni tamani kajumissutsiminnik suliaqartartut, illoqarfinni malunniutilimmik suliniuteqartartut qujassuteqarfigivai.
Illoqarfinni ataatsimiititaliat Timi Tarnilu-miit suleriusertik pillugu saqqummiussipput. Årshjul, ukiumut pilersaarioriaaseq peqatigiiffinnut saqqummiunneqarluni.
Ilassinninnermi persuarsiornartumi illoqarfiit ilaanni peqatigiiffiit sumiiffinni nukittorsernissartik eqqartorsimavaat, taamatuttaaq qanimut suleqatigiinneq sulissutigineqassasoq eqqartoneqartut ilagisimavaat. Kingorna ataatsimiinnernik malitseqartussat.
