Asseq: Attumi Piniakkanik sumiiffimmi nalunaarsuisartut Nunani avannarlerni Avatangiisinut nersornaasiuttagaannik nersornaatisimmata assigiinngitsuni nersornaatisisut tamakkerlutik Norgep kronprinsia Haakon Magnus nulialu Mette-Marit assigat.
Kommune Qeqertalimmi nuannaarutigineqarpoq Nunani avannarlerni avatangiisinut nersornaat Attumi piniakkanik sumiiffinni nalunaarsuisartut pissarsiarimmassuk.
Kommune Qeqertalik-up anguniagaani siunniutaanullu avatagiisit minguitsut pinngortitallu tunniussinnaasaannik illersorneqarsinnasumik atuineq nersornaasigaasut suliuniutaannut naapertuummat. Suliniutip siammarternissaanut Kommune Qeqertalik tapersersuiniarpoq
- Suliniut Pinngortitami isumalluutit pillugit siunnersuisut PISUNA 2009-mi pilersinniarneqalermat Aalisarnermut, Piniarnermut, Nunalerinermilu Naalakkersuisuutillunga tapersersorsimavara. Maanna Kommune Qeqertalik-mi Borgmesterisut Kommunalbestyrelsep suliniutip ingerlaannarnissaa aamma tapersersussallugu inassutigissallugu piareersimallunga. – Borgmester Ane Hansen allappoq
Kommune Qeqertalik-mi inuussutissarsiornermi siunnersorti PâviâraK Jakobsen. Ukiuni qulingiluannguler-suni Pisuussutinik sumiiffinni nalunaarsuinermik suleqataasimasoq nersornaatisineq nuanaarutigiviaa:
-Tuppallernaqaaq aamma tupaallannaqaaq. Asulumi innersuussakka akissarsisinneqaramik. Ullormi tassani misigissutsit atukkat oqaluttuarineqarsinnaanngillat, PâviâraK Jakobsen oqarpoq
Per Ole Frederiksen nersornaammik tigisisup oqaatigivaa aappaagu Marts qaammat Naalakkersuisut, Kommune Qeqertalik suleqatigalungu aningaasat nersornaatisissutigineqartut atorlugit, Kommunellu tamaasa suleqatiseralugit suliniut PISUNA Kalaallit Nunaat tamakkerlugu siammarterniarneqarniarpoq
PISUNA Sunaana?
Aaqqissuussap PISUNA-p Piniakkanik sumiiffimmi nalunaarsuisartut anguniagaa tassaavoq pisuussutit uumasut nakkutigineqarnerat pitsaanerulersissallugu piniartut, aalisartut, aqutsisut aamma ilisimatuut akornanni suleqatigiinnerup patajaallisarneratigut aamma najukkani najugaqartut nakkutiginninnermi annertunerusumik akuutinneqarnerisigut. Aaqqissuussaq Naalakkersuisoqarfiup aallarnerpaa ukioq 2009-mi
Borgmester Ane Hansen-ip pilluaqqussutaa: http://www.qeqertalik.gl/Nyheder/2018/11/Attu?sc_lang=kl-GL
Pisuna –p quppersagaa / link til Pisuna hjemmeside http://www.pisuna.org/index.html
Nersornaatisinerit link: https://www.norden.org/da/news/nordisk-rads-fem-priser-blev-uddelt-i-oslo