Qasigiarmiut isiginnaartitsisartunik festivalertitsinermi peqataapput
Nunaqarfik uumassusilimmi / Qasigiannguani katersugaasiviup ataani namminneq kajungissusertik
malillugu isiginnaartitsillutik peqataasartut sapaatip-akunnerata kingulliup ingerlanerani KIINNAT
festivalertitsinermi Nuummi peqataapput. Festivali NUIS-ip/ nunatta isiginnaartitsisarfiata aaqqissuuppaa.
Inersimasut, inuusuttut meeqqallu Kalaallit Nunaannit tamani isiginnaartitsisartoqatigiit arfineq-
pingasuneersut 100 sinnerlugit ullut tallimat sinnerlugit sungiusarnerni takutitsisarnernilu Nuummi
peqataasarput, ullut kingulliit marluk – arfininngorneq aamma sapaat – tamanut saqqummersitsisoqarpoq.
Eqimattaq Qasigiannguaneersoq silami isiginnaartitsinermi oqaluttuarisaanermik takutitsisunut ilaavoq.
Eqimattap ukiarmili isiginnaartitsissutitut allagaq ”PERUT” suliarivaat saqqummiunneqarnissaannullu
sungiusartarluni. Isiginnaartitsissut taanna oqaluttuaatitsineersuuvoq. Toqqup ammalortup eqqaani
ilaqutariit mutit aasarsiorlutik qangarsuaq pisunik isiginnaartinneqarneri isiginnaartitsissutigienqarpoq.
Pingasoriarluni isiginnaartitsisoqarpoq: Nuummi utoqqaat illup iluani isiginnaartitsivigineqarput aamma
Nuutoqqap sissaani festivalimi peqataasut silami arfininngornermi isiginnaartinneqarput nuummiullu
sapaammi isiginnaartinneqarlutik.
Sapaammi isiginnaartitsineq silageqimmat ornigarluarneqarpoq.
Eqimattaq nutaanik isumassarsilluni isiginnaartitsivimmilu sakkussarsilluni angerlarpoq.
Nunaqarfik uumassusiliup / Qasigiannguani katersugaasiviup pinngortitami eqqissisimaneq
oqaluttuarisaanermilu pisimasut isiginnaarneri isumassarsiffiusimassasut neriuutigai ileqqorlu malillugu
oqaluttuartariaaseq nukittorsarneqarsinnaasimassasoq neriuutigalugu.
