Aasianni arsaattarfimmik atoqqaarfissiuineq ullormi 21. juli 2018 ingerlanneqarpoq, Timi Tarnilu aammalu Inoqarfik Aasiaat aammalu Aasianni timersoqatigiiffiit Oqilaatsoq, ATK aammalu T-41 aaqqissugaannik, inuppassuit peqataaffigisaannik.
Aaqqissuussinermi Pisiffik Pilersuisorlu kaffe, the, milluartakkat, naatitat meeqqanullu sutugassanik tunisisuupput.
Borgmester Ane Hansen ammaanersiornermi oqalugiartuuvoq qiorsisuullunilu.
Qiorsisoqareermat qummoroortartoqarpoq arsaattoqarlunilu T-41 nukarlersai unammillugit Oqilaatsoq.
