Kommunip pilersaarutaata tapiata siunertaa:
Kommunip pilersaarutaanut tapiliussaq immikkoortortamut nutaanut pingaarnertut aamma immikkut ittumik aalajagersakkat periarfississavaat, ilinniartut ineqarfiattut siunertamut inissianik quleriinnik isikkoqartunik inissiatut siunertap ilusilersorneqarnissaa aamma nutaanik sanaartornissaq.
Kalaallit Nunaanni ilinniarfiit avatangiisiinik patajaallisaasimalluni, Namminersorlutik Oqartussat aalajanger-simapput, nunap ilinniarfeqarfittut illoqarfiini tallimaasuni ilinniartut ineqarfiinik nutaanik sanaartortoqas-sasoq – ilaatigut Aasianni. Sanaartornermik ingerlassineq, ukiuni arlalinni immikkoortukkaarlugu ingerlanneqassasoq naatsorsuutigineqarpoq.
Aasianni illoqarfiup avannaa-tungaani immikkoortortaq C06-imi ilinniartut ineqarfiat nutaaq inissinneqassasoq kissaatigineqarpoq. Ilinniartut ineqarfiata nutaap piviusunngortinnissaanut tunngavissaatitaassaaq, immikkoortumi illut piusut isaterneqarnissaat aamma immikkoortup qitiusoqarfittut atorneqarnerata ataatsimoorussatut innissiaqarfittut siunertamut allanngortinneqarnissaa. Taamaalilluni siunertamut tassunga immikkoortortaq nutaaq A27-mik taaneqartoq atugassiissutigineqarpoq.
Kommunip pilersaarutaanut tapiliussaq pisortatigoortumik sapaatit akunnerini 8-ni pisortatigoortumik tusarniutaasimavoq, piffissap iluani innuttaasut, suliffeqarfiit il.il. periarfissaqarsimapput akerliunissamut, oqaaseqaateqarnissamut allannguutissanilluunniit siunnersuuteqarnissamut.
