Qaasuitsup Kommuniani kujallermi ikaarsariarnermut ataatsimiititaliaq aalajangerpoq, 1. januar 2018 aallarnerfigalugu kommuni ima ateqalissasoq Kommune Qeqertalik. Ateq taanna isumaqarpoq kommuni qertartarpassualik.
Akissarsiassat
Atsiinissamut siunnersuuteqartut amerlasimapput, atsiunneqartussamut assigusunik nassiussaqarsimasut. Aterli ataasiinnaq ajugaassutaasussatut allaqqavoq, taannalu unammisitsinermi ajugaasuuvoq.
Kommunip ilisarnaatissaanik kiisalu Qaasuitsup Kommuniani kommuni kujallinngortussami atissaanik ajugaasutut toqqagaasut tamarmik 15.000 kr-inik akissarsissapput. Ajugaasut pilluaqqugaarpavut.
Unammisitsinermi ajugaasut
K2 - Qaasuitsoq kujalleq – Kommunip ilisarnaatissaa
Julius Jeremiassen, Niaqornarssuk (Kangaatsiaq)
K2 - Qaasuitsoq Kujalleq – Atia – [Kommune Qeqertalik]
Pavia Petersen, Ikerasaarsuk (Kangaatsiaq)
Unammisitsinermi ajugaasut Qaasuitsup Kommunianiit allakkamik tigusaqassapput.
Tunngavilersuutit
K2 - Qaasuitsoq kujalleq – Kommunip ilisarnaataa.
Kommunip ilisarnaatissaanut nr. 345-imut siunnersuutaasup toqqarneranut tunngavilersuutit.
Kommunip nutaap nunatsinni sumi inissisimanera takussutissinneqarpoq, kiisalu illoqarfiit nunaqarfiillu sumi inissisimaneri, taamaattumillu apeqquserneqartariaqarani kommuni sumi inissisimanersoq.
Kusanarluinnartuuvoq tamatumalu takutippaa apeqqutigineqartariaqanngitsoq, ”kommuniuna sumi inissisimavilik”?
K2 - Qaasuitsoq kujalleq – Atia – [Kommune Qeqertalik]
Ilisarnaat nr. 345 naleqqunnerusutut toqqarneqarpoq.
Siunnersuuterpassuupput.
Qaasuitsoq kujallermut siunnersuutit katillugit 150-it nassiunneqarsimapput. 78-it kommunip ilisarnaatissaanut kiisalu 72-it atissaanut tunngassuteqarlutik.
Qaasuitsup Kommuniata kusanartunik pitsaasunillu siunnersuuteqartorpassuit qujassuteqarfigai.
