- ”Kommunissatsinni pitsaasumik aallarteriarnissarput pingarteqarput taamaattumik suliat sanartugassallu pillugit siusissukkut Naalakkersuisunik oqaloqateqarnera aallartippara, suleqatigiissutissagut aallaqqaataaniit pitsaasumik ingerlakkumallugit.”
Siulliullugu Isumaginninnermut, Ilaqutariinnermut, Naligiisitaanermut, Inatsisinillu atortitsinermut Naalakkersuisoq Sara Olsvig piffarsiffiulluartumik oqaloqatigineqarpoq.
Ikarsariarnermut Ataatsimiisitaliap siulittaasuata Ane Hansen-p Isumaginninnermut, Ilaqutariinnermullu Naalakkersuisoq Sara Olsvig siunniuppaat isumaginninnermi suliassani innuttaasunut pitsaasumik kinguneqarluartumillu pitsangorsaanermi qanimut suleqatigiikkumarlutik.
Ikarsariarnermut Ataatsimiisitaliap siulittaasuata Ane Hansen-ip ilangullugu ilisimatitsissutigaa ilimagineqassasoq appaagumiit tarnikkut innarluutillit najugaqatigiiffii ukiorpassuarni Aasianni blok-ni ilaqutarinnut naliginnaasumik inissiani najoqatigisiissimasut pitsaanerusumik avatagiiseqalernissaat siunertaralugu sanartugassani kissaateqarumarlini ilimasaarutigaa. Utoqqaat illuanik sanartorneq kommunitsatsinni illoqarfinni nunaqarfinnilu arlalinni aamma pisariaqartinneqarpoq iliuseqarfigineqassallunilu. Inuit innarluutillit pillugit suliniarnerit pingartinneqassasut ilangullugu oqaluuserineqarluni.
Meqqanik atornerluineq suleqatigineqarsinnaasut tamaasa ammaffigalugit akiorniarneqassasoq ilangullugu siunniunneqarluni. Isumaginninnermi sullissisut eqqarsaatigalugit sulisut agguaqatigiisillugu sullitassanik ikinnerusumik tigummisaqalernissaat suliniutigineqassasoq aamma siunniunneqarpoq, innuttaasunik sullissinerup pitsaasussaata qaffasissunngortinneqarnissaa siunertaralugu.
Ikarsaariarnermut Ataatsimiisitaliap siulittaasuata Ane Hansen-ip Naalakkersuisunik oqaloqateqarnini aallartippaa
31. maj 2017
