Annaassiniarnermik upalungaarsimasuutitat aalajangersimasumik qulit missaanni sulisoqarput kiisalu 380-t missaanni piffissap ilaani sulisartunik sulisoqarput, sulisut taakkua tamarmik qatserisarfinni arfineq-pingasuni nunaqarfiillu qatserisartoqarfeeraani 28-ni agguataarlutik inissisimapput.
Upalungaarsimaneq aamma qatserisartoqarneq
Qaasuitsup Kommuniata upalungaarsimasuutitaasa kommunimi najugallit sulittarpaat, makkunannga suliaqartaramik: ikuallattunik annaassiniarnerit, kommunip suliffeqarfiutaani paaqqinnittarfiutaanilu ikuallannermik atortut suliarisarlugit, ikuallattoqarnerani ikiueqqaarnermillu pikkorissartitsinerit kiisalu katersortarfinni, pisiniarfinni akunnittarfinnilu ikuallannermi atortut nakkutigineri.
