Maskiinanik automatiskiusunik suliffeqarfissuarnilu atortulersuutinik suliaqarusukkuit automatikteknikeritut ilinniarneq ilinnut piukkunnarpoq.
Automatikteknikeri sulerisarpa?
Automatikteknikerit atortulersuutinik automatiskinik suliaqarnermi pingaaruteqarluinnarput. Suliassavit ilagissavaat atortulersuutinik ikkussuinerit, aserfallatsaaliinerit nalunaarsuinerillu. Robottinit suliffeqarfissuarnilu atortulersuutinik pisariusunik suliaqarsinnaavutit.
Ilinniarneq tamatigoortuummat suliffigisinnaasatit assigiinngitsuusinnaapput suliassatillu maskiinanit pisariitsunit atortulersuutinut pisariusunut allanngorarsinnaallutik. Suliassatit assigiinngissitaartuusinnaapput ilaatigut robottinik aaqqissuussinerit, kiffartuussinerit aserfallatsaaliinerit, isumannaallisaanerit allarpassuillu.
Automatikteknikeritut ilinniarnermi suliffimmik misiliinissaq qulakkeeqqareertarpoq, taamaalilluni suliffeqarfinni aallartinnissat qularnanngilaq. Automatikteknikeritut atorfigissaarnissamut periarfissatsialaavoq. Ilinniaqqinnissamik kissaateqaruit periarfissatit arlaqarput; maskinmesteritut, ingeniøritut, automationsteknologitut imal. innaallagisserisutut ilinniarnerit.
Atortulersuutinik automatiskiusunik ilisimasaqarnerit piginnaasaqarnerillu peqqutaallutik suliffeqarfinnit soqutigineqarluassaatit. Suliffeqarfinni assigiinngitsuni automatikteknikeritut ilinniagaqartutut naammassinninnissamut kiffartuussinissamullu kivitseqataalluarsinnaavutit.
Automatikteknikeritut ilinniarnermi suliffimmi misiliinissamut qulakkeerinninnikuuvugut!
Ukiutit misilittakkatillu aallaavigalugit ilinniarneq ilinniaqqinnissallu sivisussuseqassaaq.
9./10. klassip naammassineraniit ukioq ataaseq suli qaangiutinngila?
Tunngaviusumik ilinniarneq 1 (GF1 ), ukiup affaanik sivisussusilik aallartissavat. Tassani ilinniarnermut ingerlariaqqiffissat tallimat assigiinngitsut toqqarsinnaavatit. Automatikteknikerinngorniassaguit ilinniarfissaq una innersuupparputGF1 Teknologi & Energi
GF1 naammassigukku Tunngaviusumik ilinniarneq 2 (GF2) ukiup affaanik sivisussuseqartoq aallartissavat. Tamatuma kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Ilinniagaq ukiuni 3½ sivisussuseqarpoq.
9./10. klassi naammassineraniit ukiut marluk qaangiutereerpat?
Taamaappat GF1 allorlugu GF2 ukiup affaanik sivisussuseqartoq aallartissavat. GF2 kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Ilinniagaq ukiuni 3½ sivisussuseqarpoq.
25 qaangerlugit ukioqarpit?
Taamaappat GF2 ukiup affaanik sivisussusilik aallartissavat. Tamatuma kingorna pingaarnertut ilinniarneq ilinniarfimmi atuagarsornertalik suliffimmilu misiliinertalik ingerlatsissavat. Ilinniarneq nalinginnaasumik ukiut sisamaat affarmik sivisussuseqartarpoq, ilinniarnerli assingusumik ilinniagaqareersimaguit sulillutilluunniit misilittagaqareeruit sivikinnerusumik ilinniartuusinnaavutit.
Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.
Uku atussavatit
- MitID
- Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
- Suli meeqqat atuarfianniikkuit karakteerit kingulliit allattorsimaffiat atussavat.
Uku atussanngilatit
- Kuisinnermut allagartaq
- Najugaqarnermut uppernarsaat
- Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).
Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.
Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.
Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.
Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.
Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit
Ilinniarnermik aallartiffik
Ilinniarneq januar aamma augustimi aallartittarpoq
Neqeroortoq
Next KBH imaluunniit Media College Denmark
Aningaasaqarneq
Qanoq sivisutigisumik sulisimaneq ukiut aamma tapit naapertorlugit ilinniartutut akissarsiaqassaatit.
Suliffimmik misiliinermi pissutsit
Tamatuma sanatigut tigusaarusukkuit aallaavittut suliffimmik sungiusarfissarsisimassaatit.
Piginnaasat qaffasissusaat
Ilinniagaq inuunerup ingerlarngani ilinniarnermi piginnaasat qaffasiffiisa sinaakkutai 4 aamma 5-imi inissisimapput. Piginnaasat qaffasiffiisa sinaakkutai 1-mit 8-mut qaffasissuseqarput atuartitsinermullu pissarsiassatut naatsorsuutigineqartut nassuiarpaa.
Paasisaqarnerugit Ingerlaqqiffiusumik inersimasunik ilinniartitaanermi piginnaasat qaffasissusaat.
Siunissami periarfissat/suliffissat
Assigiinngitsutigut film, tv aamma nipilersornikkut, radio- aamma tv-stationini, ussassaarusiortarfinni imaluunniit AV-nilluunnit atortorissaarutinik atukkiisartuni suliffeqalersinnaaneq periarfissarilissavat. Suliaqarfiit annertunerusumik namminersortunit aallunneqakajuppoq. Ilinniarfik una ilinniariaqqinnissanut arlalinnut ingerlariaqqititsisinnaavoq.
Ilinniarnermut pilersaarut
Uani paasisaqarnerusinnaavutit:
https://www.ug.dk/uddannelser/erhvervsuddannelser/teknologibyggeriogtransport/film-og-tv-produktionsuddannelsen
Suliap suliarineqarnera imaluunniit alla pillugu maalaaruteqarusukkuit ilinniarfik attavigissavat.