Misilittagaqareersutut skibsassistentitut tunngaviusumik ilinniarsimanissaq.

Skibsassistentip umiarsuup qaavani maskiinaqarfimmilu suliassat tamaasa suliarisarpai. Skibsassistentitut aquttarfimmi maskiinaqarfimmilu pigaartut, aquttut, usilersornissamut piareersaasut usilersuisullu ikiortassavatit. Aamma kranilerinermi, pituttuinermi umiarsuup maskiinaanik pingaarnermik tapertaasunillu atortorissaarutinillu allanik aserfallatsaaliuinerni ikiuuttassaatit. Eqqiaaqataallutillu aserfallatsaaliueqataasassaatit isumannaallisaanermilu, soorlu røgdykkeritut, peqataasarlutit.

• qinnuteqartoq agguaqatigiissillugu minnerpaamik karakter 2,0 angusarisimassavai, danskisut matematikimilu meeqqat atuarfiani 9. imaluunniit 10. klassemi misilitsinnerni imaluunniit assingusumik misilitsinnermi angusimasat.
• Nakorsap uppernarsaataanik aalisartunut imarsiortunullu sullissinissamut atuussinnaasunik aammalu nasissinnaanissaq pillugit peqassaaq.
• 17 1/2 ukioqalersimanissaq IMALUUNNIIT
• 16-nik ukioqalersimaneq, ilinniarnissamut isumaqatigiissuteqarluni annaassiniaanermi 20 BRT qaangerlugit ilinniarnerup ingerlanerani

Peqqissutsimut uppernarsaat atuuttoq
Ilinnialernissamut akuerisaaniaraanni peqqissutsimut uppernarsaammik takutitsisinnaasariaqarputit aamma nasissinnaasariaqarputit Qalipaatinillu immikkoortitsisinnaasariaqarputit.

Ilinniakkamik imaluunniit ilinniagaqarnersiutinik qinnuteqassaguit imminut sullinnermut toorsiffissaq sungaartukkut qarasaasiakkut/internettikkut tassani quppernermi qulaani saamiatungaaniittukkut ”Maana qinnuteqarit”-kut qinnuteqassaatit. Imminut sullinnermi periarfissat atussagukkit nammineq inuttut MitID-nnut isissaatit.

Uku atussavatit

• MitID
• Pappilissat ilinniagarisimasamut tunngasut (meeqqat atuarfianni karakteerinut uppernarsaatit atuutinngillat 2007-ip kingorna meeqqat atuarfiannit atuarunnaarsimaguit)
• Suli meeqqat atuarfianniikkuit karakteerit kingulliit allattorsimaffiat atussavat.

Uku atussanngilatit

• Kuisinnermut allagartaq
• Najugaqarnermut uppernarsaat
• Nunatsinni meeqqat atuarfiannit karakteerinut/angusanut uppernarsaatit (2006-ip missaanit ulloq manna tikillugu karakteerit pisortat paasissutissaasivianniipput).

Malugiuk
Karakteerit marlussuit amigaatigigukkit imaluunniit meeqqat atuarfianni inaarutaasumik misilitsinnerni angusisimanngikkuit Majoriat tamarmik piginnaanngorsaanissamik neqerooruteqartarput.

Najukkanni Majoriamit qinnuteqarnissannut ikiorneqarsinnaavutit, aamma allatut siunnersorneqarnissannut ikiuisinnaapput.

Ilinniartunut inissiamik pinngitsoornak neqeroorfigineqarnissat naatsorsuutigisinnaannginnakku maluginiassavat. Ingerlaannartumik ilinniartunut inissiamik tunineqanngikkuit Majoriami immikkut qinnuteqartariaqassaatit.

Immikkut ittumik pisoqartillugu pappialatigut qinnuteqarfissamik najukkanni Majoriamit tunineqarsinnaavutit. Qarasaasiakkut/internettikkut qinnuteqarsinnaanngikkuit najukkanni Majoriaq attavigiuk.

Ilinniarfiup qinnuteqarfigineqartup illit qinnutitit suliarisussaavai, ingerlaavartumik akissuteqarfigineqartassaatit. Ilinnialernissap aallartinnissaanut sapaatit akunnerit pingasut inulerpagit sulilu tusagaqarsimanak, ilinniarfimmut attaveqartariaqassaatit.

Ilinniarnermik aallartiffik
Ilinniagaq ingerlaavartumik aallartittarpoq

Neqeroortoq
Imarsiornermik Ilinniarfik

Aningaasaqarneq
Sullissivik aqqutigalugu ilinniarnersianik ilinniarninni qinnuteqarsinnavutit

Suliffimmik misiliinermi pissutsit
Suliffimmik misiliissanngilatit.

Siunissami periarfissat/ Suliffiusinnaasut
Imarsiornerup iluani sulisinnaassaatit. Aalisakkerinerup iluani sulisinnaassaatit
Ilinniakkavit ilinniaqqinissannut ilinniagassanut qaffasinnerusunut periarfissiissaaq.

Ilinniarnermik aaqqissuussineq
https://maritim.gl/ka/ilinniartitaanerit/ilinniagaqarsimasunut-skibsassistenimut-pikkorissarneq/ 

Suliap suliarineqarnera imaluunniit alla pillugu naammagittaalliorusukkuit ilinniarfik attavigissavat.