Ippassaq oktobarip aallaqqaataani Nunarsuaq tamakkerlugu FN-ip utoqqarnut ulloritittagaraa. Tamannalu pissutigalugu Kommune Qeqertaliup borgmesteriata Simigaq Heilmannip Aasianni utoqqaat peqatigiiffiat ”Qeersaat” Katersortarfimmut nal. 13.00 – 15.00 qaaqquai.
Simigaq Heilmann tikilluaqqusereermat Qeersaat erinarsortarlutik tusarnerluinnartumik erinarsoqatigiipput.
Qeersaat nerrivikkaarlugit eqqartuisinneqarput. Eqqartuereeramik saqqummiisinneqarlutik. Taamaalisinnarlutillu unillartsiarneqarpoq.
Unillatsiareeraik eqqartorpaat apeqqutit uku:
- Kommune Qeqertalimmi suna toqqissisimanernerpaajua?
- Suna unamillernernerpaava?
- Illoqarfissinni suna amigaataava?
- Kommuni qanoq iliuuseqarsinnaava unammillernarnerpaatitasi iliuuseqarfiginiarlugit?
- Ataatsimoorneq qanoq nukittorsarneqarsinnaava?
- Politikerit suut salliutittariaqarpaat?
Erinarsoqatigiipput atorlugu: Ukiap seqerna pukkilisoq, aappiullugu: Nunaga’aa nunarsuup avannaani.
Erinarsoqatigeereermata pilersaarut malillugu qulequttat ataaniittut pillugit eqqartueqqipput:
- Angerlarsimaffik toqqissisimanartoq
- Peqqissueq inuunerissaarnerlu
- Ataatsimoorneq
- Nunaqqataaneq nunaqqatigiinerlu
Eqqartukkatik tamaasa allattorpaat kommunemullu tunniullugit.
Qeersaaniittut eqqartuinerminni ilaatigut makku tikippaat: Illup iluani ajappaartorfiusinnaasut, Kommunep iluamik allaffeqannginnera, utoqqarnut ornittagaq nalequttoq. Politikerit saqquminerunissaat (qineqqusaarnerinnarmiunngitsoq).
Naggataagullu borgmester quianalaartumik qimmiaqqanik naapitsisimanilersaarpoq. Taamaalilluni eqqartukkat utoqqaat akornanni oqimaalaaraluartut naggaserneqarput quianartumik oqaluttuaqattaatilaarnermik.
Erinasorneqarpoq: Eqqissisinnga’ aat
Naggataarutigaallu: Nersortigu.