Innuttaasunut paasissutissiineq
Sapaatip akunnerani siuliani unalu ingerlasoq tasersuup sinaani skiltilersuisoqarnera innuttaasunut paattuunganarsinnaavoq Inoqarfik ilisimalluarpaa. Tamannalu paasissutissat amigaatigineqartut tunniunneqarnissai innuttaasunut inoqarfik pisussaavoq saqqummiussissalluni pisumi pineqartuni.
Skiltit tasersuup sinaani ikkunneqarsimasut peerneqassapput. Taamaakkaluartorli inatsisit atuuttut malillugit nunaannarmi angallannerit akuersissuteqaqqaarlutit taamaallaat ingerlanneqarsinnaapput. Tamanna aatsaat pisinnaavoq kommunemut immikkut akuersissummik qinnuteqartoqarneratigut.
Immikkut ittumik akuersissummik qinnuteqarnissamut Kommune Qeqertalik Inoqarfik Qasigiannguit aqqutigalugu paasiniarneqarsinnaapput.
Assartuutit motoorinik ingerlatillit atorneqarnissaat pillugu malittarisassat
Namminersorlutik Oqartussat Assartuutit motoorinik ingerlatillit atorneqarneri pillugit immikkut malittarisassaqarpoq:
Inatsit atuuttoq uani takuneqarsinnaasuaannarpoq: Inatsit
Nunaannarmi (illoqarfiup avataani)
Tunngaviatigut nunaannarmi motorinik ingerlasinnaasunik akuersissuteqaqqaarani angalanissaq inerteqqutaavoq (ass. snescooter, ATV, il.il.), makku pissarsiarineqarsimanngippata:
-
§6 malillugu nunaannarmi ukiuunerani assartuinermut aqqutissat aamma/imaluunniit ukiuunerani angallavissat toqqartorsinnaavai, maanna Kommune Qeqertalik ukiuunerani assartuinermut aqqutissat aamma/imaluunniit ukiuunerani angallavissat malittarisassanik illoqarfik Qasigiannguit peqanngilaq.
-
§ 9 naapertorlugu kommune Qeqertalik Immikkut akuersissummik tunniussisinnaavoq Sullissivimmi tamanna immersorneqarsinnaavoq qinnuteqaat iml. Inoqarfik Qasigiannguanut saaffiginninnikkut piniarneqarsinnaavoq. (dispensation/Immikkut ittumik akuersissut)
Namminersorlutik Oqartussat nalunaarutaat pinngortitap avatangiisillu illersorneqarnissaat siunertaraat.
Ilanngullugit ilineqarput qinnuteqarnermi atorneqarsinnaasut immersorlugit uungalu nassiunneqarsinnaapput qas_inoqarfik@qeqertalik.gl -imut iml. Sullissivimmut tunniussinikkut.
Imeqarnermut killiliussaq (vandspærrezone)
Erseqqissarneqassaaq:
-
Imeqarnermut killiliussami motorinik ingerlasinnaasunik atuineq inerteqqutaammat
-
kommunalbestyrelsip imeqarnermut killiliussami imaluunniit illersugaasuni immikkut akuersissummik tunniussisinnaanngilaq, taakku allanik inatsiseqarmata. Tassuungalu ingerlavissanik qinnuteqarniaraanni nunamut aammalu avatangiisinut Naalakkersuisoqarfimmut saaffiginnittoqassaaq.
Imeqarfik killeqarfia assimi ilanngunneqarpoq.
Nakkutilliineq
-
Kommunalbestyrelsip nalunaarummi malittarisassat malinneqarnissaat nakkutigissavaa
-
Nunaannarmi akuersissuteqarnani angalanerit politiinut nalunaarutigineqarsinnaapput.
Apeqqutissaqarpit?
Malittarisassat pillugit apeqqutissaqaruit,
kommune Qeqertalik Inoqarfik saaffigineqarsinnaavoq aammalu pinngortitaq Avatangiisillu pillugit Naalakkersuisoqarfimmut saaffiginnissinnaavutit
Naammagittaalliorneq
Namminersorlutik Oqartussat kiisalu kommunillu ataanni pisortani oqartussaasut Ombudsmandimut naammagittaalliuutigisinnaavatit. Oqartussaasut taakkua aalajangiineri oqartussaasullu ilinnik pinninnerat suliamilluunniit ilinnut tunngasumik suliarinninnerat naammagittaalliuutigisinnaavatit.
Uani iserlutit naammagittaalliuut nassiussinnaavat: Naammagittaalliornermi immersugassaq
