Ullumi Kommune Qeqertalimmi pisoqaaluppoq
Arsarnerit inuusuttai haalimi saqqummersitsipput, unammillutik. Tikilluaqqusisuupput Inaluk Lange Olsen aammalu Kommune Qeqertalimmi borgmester Simigaq Heilmann kiisalu Fonden for Entreprenørselskabimiit Nukappiaraq Kristiansen (Nukappi) tikilluaqqusereermat peqataasut sinerissamiit atuartut saqqummersitsivimmik saannut pisoqaraangat saqqumiipput.
Unammisut katillutik eqimattat 13-iupput, ajoraluartumilli Qaqortumiit peqataasussaagaluit sila pissutigalugu tikinngitsoorput. Taakkuli attaveqaatit atorlugit aamma saqqummiissapput.
Meeqqat atuarfianni atuartut angajulliit sineriak tamakkingajallugu peqataatitaqarput. Avannarpasinnerpaamiit Qaanaamiit tikittoqarsimavoq, kujasinnerpaamiillu Qaqortoq aamma peqataatitaqarluni.
Saqqumersippaat nutaaliorluni takorluukkat. Namminerluunga assiliiartorninni apersulaarnerinilu paasisaqarlungalu ilikkagaqarpunga. Soorlu assersuutigiinnarlugu Sisimiormiut saqqummersippaat annoraaq. Taanna aavarluni atorneqarsinnaasoq. Oqortuunngilaq, oqilluni kiisalu nammangittagiaqartariaananilu. Tassa qaammartartoqarpoq, sumissusersiut, raatiuaraq, imassaasivillu. Kaasarfeqarluarpoq, taamaalilluni nammagittagissamik immikkut nassataqartariaqarani.
Soorlu aamma Upernavimmiit peqataasut saqqummersippaat meeqqat atuarfianni issiavik. Taanna qituttumik tunngaffissaqarpoq, taassumalu naqqaniilluni amusartoq. Amusartumiissinnaallutik atuakkat atuarnermilu nikueqattaanngikkalluarluni atuarnermi atortussaasivik. Aamma nivinngaaveqassaaq atugaasivissamik kavaajamillu nivinngaaviusinnaasoq. Taassuma atulerneratigut klassip iluani nikueqattaarpallaarani atuarneq ingerlanneqarsinnaalissaaq.
Kiisalu aamma assersuutitut taasinnaavarput relfexiliuut. Immaqa meeqqat ilaat reflexeqarusunneq ajorput, utoqqaalluunniit katatsisoorsinnaallutik. Meeqqanut sammitikkaanni namminneq nuannaartorisaminnik titartaallutik reflexiliorsinnaallutik. Reflexspray atisaminnut titartaasinnaapput tyssit atorlugit. Qaamasumi ersissinnaanngilaq, taartumili seqerlugu reflexeqarnera malunnarluarluni takuneqarsinnassaaq.
Allat aamma taama soqutiginartigisunik saqqummiipput.
Nal. 13.00 ingerlaqqittut sisamat nalunaarutigineqassapput. 15.00 ajugaasut suaarutigineqassapput.