Aasiaat, 19. november 2025 – Kommune Qeqertaliup matumuuna innuttaasut ilisimatippai, Aasianni kommunip alalffeqarfiani oqoqartoq paasineqarmat. Illorsuup pissusissaa naapertorlugu nalinginnaasumik misissuinermi oqummik nassaartoqarpoq, malitsigisaanillu teknikkikkut misissuisoqarluni.
Illorsuit eqqorneqartut tassaapput allaffissornikkut immikkoortortaqarfiunerusut, ilaallutik INUIT, INOQARFIK, TIMI TARNI aamma INUA, taakkulu eqqorneqarnerisa qanoq annertutiginerat iliuusissallu pisariaqartut suussanersut misissorlugit sulisoqarpoq.
Innuttaasut sulisullu peqqinnissaat isumannaallisaaviginissaallu pingaarnerpaatut salliutinneqassaaq. Pisoq ilungersunartorujussuartut tiguarput, siunnerfilimmillu suliaqarluta, allaffiit tamarmik najussallugit peqqinnartuullutillu illersorneqarsinnaanissaat qulakkeerniarlugu.
Kommune Qeqertaliup iliuusissat makku aallartippa:
• Illorsuup ilai eqqorneqaratarsimasinnaasut tamarmik sukumiisumik teknikkikkut misissuiffigineqassasut
• Ajornartorsiutinik nassaarfiusut immikkoortortaqarfiit assigiinngitsut sulisullu utaqqiisaasumik nuukkallarnissaat.
• Sulisut, atuisut innuttaasullu ataavartumik paasissutissinneqarnissaat, taamaattumik facebook-imi quppernerput atorlugu malinnaaffigitigut, tassani ingerlaavartumik nutaarsiassanik ilanngussuisoqassammat. Taamaattorli, immikkoortortaqarfiit eqqorneqartut nuunneqarnissaannut isumaqatigiissutit ilaasa kinguartinneqarsinnaanerat, imaluunniit piffissamut allamut sumiiffimmullu allamut nuunneqarsinnaanerat naatsorsuutigisariaqarpoq.
• Innuttaasunik Sullissivik EQQORNEQANNGILAQ, taannalu suli orninneqartuaannarsinnaavoq sulilu ammasarluni ulluinnarni ullut tamaasa nal. 09:00-miit 15:00 tikillugu.
• Oqarasuaammut 70 19 00-imut sianeraluarluni iluatsinngippat, oqarasuaat 58 04 32 innuttaasunit sianerfigineqarsinnaavoq, naatsorsuutigineqarssallunilu piffissakkut allakkut saaffiginneqqinnissap innersuussutigineqarsinnaanera.
Kommune Qeqertalimmi naatsorsuutigineqarpoq sapaatip akunnerini tulliuttuni killiffik pillugu nutaarsiassaqartitseqqikkumaarluni, teknikkikkut misissuinerit tiguneqarsimaleriarpata.
Inussiarnersumik inuulluaqqusillunga | Med venlig hilsen
Karl Villiam Jeremiassen
Sullissivinni Pisortaq