03.okt. 2025
TUSAGASSIUUTITIGUT NALUNAARUT
Alida C. Rafaelsen Kommune Qeqertalimmi pisortaaninngorpoq
Kommunalbestyrelsip ullumikkut ataatsimiinnermini Alida C. Rafaelsen Kommune Qeqertalimmi pisortaanertut atorfinitsinneqarnissaa aalajangiuppaat.
Nuannaarutigalugu nalunaarutigissuara ullumikkut kommunalbestyrelsi aalajangermat
Alida C. Rafaelsen Kommune Qeqertalimmi pisortaanertut atorfinitsisallugu.
Alida allattoqarfimmi pisortatut aamma naatsorsuuserinermi pisortatut Kommune Qeqertalimmi atorfeqartareernikuuvoq. Siusinnerusukkut kommunitsinni pisortaanertut aamma misilittagaqarpoq, taamaattumik Alida kommunip suliffeqarfittut aaqqissuussaaneranik annertuumik ilisimasaqarpoq.
Alida allaffissornermik ingerlariaqqiffiusumik ilinniagaqarpoq, EVU-mi aningaasaqarnermik allaffissornermillu siunnerfilimmik, tamatumalu kingorna markedsføringsøkonomitut ilinniarsimalluni.
Borgmesteri ilaatigut ima oqarpoq:
- Alida sulinermigut ilungersuussillaqqissuuvoq, aamma kommunimi pisortaanertut misilittagaqarluarmat Kommune Qeqertaliup ineriartorteqqinnissaanut suleqatigiilereernerput aallartilluareersoq nangeqqinnissaanut qilanaarlungalu toqqissisimavunga.
Alida C. Rafaelsen ima atorfinitsinneqarnini pillugu oqarpoq:
Nuannaarutigivara atorfinitsinneqarnera. Qilanaarivaralu kommunalbestyrelsip sullisilernissaa.
Suliassat anguniangassallu oqimaassinnaasut nuannersorpassuaqartulli inoqarfinni tamani sulisorpassuit peqatigalugit ingerlatsilernissaq qilanaarivara.
Ilanngullugu ilisimatitsissutigissavarput Alida 2025-imi juunimiilli Kommune Qeqertalimmi pisortaanerugallartutut atorfeqarmat.
Inussiarnersumik inuulluaqqusillunga
Simigaq Heilmann
Kommune Qeqertalimmi borgmesteri