Dato: 03.10.2025
Aasianni tamanut ammasumik suliariumannittussarsiuussineq ukiuunerani suliassanik
Piffissap 01. november 2025 – 30. april 2028-illu akornanni aputaajaanissaq pillugu ukiut pingasuni suliariumannittussarsiuunneqarput.
Suliariumannittussarsiuussinermi suliarineqarsimasut ilanngussallu Inoqarfik Aasiaat suliai uku atuuttut:
- Aputaajaanermi piumasaqaatit ulloq 03.10.2025 suliarineqartut
- Aputaajaanermi neqerooruteqartitsinermi suliarineqartoq ulloq 03.10.2025
- Neqeroorusiornermi najoqqutassiaq (qallunaatut allaqqavioq)
- Takussutissartaa aqqusernit pineqartut
Kommunip nittartagaatigut aaneqarsinnaapput www.qeqertalik.gl
Illoqarfimmi angallaffiit, soorlu biilit angallaffii, biilit kaajallattarfii il. il. ukiuunerani suliassaapput, taavalu kommunip aqqutai allat aputaajagassat. Kommunip aqquserngi pingasunut immikkoortortanut aggorneqarnikuuvoq.
Ukiuunerani suliassat suliarinerini qamutit motoorillit/gummiged atorlugit suliarineqassapput. Pisiortorfiup nammineerluni aputaajaanissamut atortussat pigeriissavai.
Neqeroorutit allaganngorlugit tunniunneqassapput, aningaasartaasa qallunaatut nalunaarutigineqarnerat ilanngullugu, ateq, najugaq, oqarasuaatip normua imaluunniit suliffeqarfiup neqeroortup mailia ilanngullugu uunga tunniunneqassapput:
Inoqarfik Aasiaat, Niels Egedesplads 1, 3950 Aasiaat. Att: Arrutaq Kujaukitsoq.
- 21. oktober 2025Paasissutissanik pissarsiniarnermut piffissarititap killiga.
- 24. oktober 2025 nal. 15:00Neqeroornissamut piffissarititap killiga
- 27 oktober 2025 kl. 15:00Neqeroortutinik ammaanermi Kommune Qeqertalik Aasiaat Niels Egedesplads 1, 3950 Aasiaat ingerlanneqassooq.
Apeqqutissaqaraanni Suliassaqarfik Inoqarfik-mi sulisut saaffigineqarsinnaapput.
Att.: Arrutaq Kujaukitsoq, oqarasuaat 38 70 52 email: arru@qeqertalik.gl
Neqeroorutigineqartut neqeroorsimasut peqataarusuttut peqatigalugit ammarneqassapput.
Neqeroorutit kingusinaartumik tiguneqartut utertinneqassapput naliliinermilu ilaassanatik.
Unammillernerit peqqutigalugit, neqeroorutit allakkat puussaannut matullugit poorneqassapput, nalunaaqutserlugillu ”Sullissivimmiit ammarneqassanngilaq – Neqeroorut: Aasianni ukiuunerani suliassat”.
Neqeroorut pituttuisuuvoq allanngortinneqarsinnaananilu.
Kommune Qeqertalik pisinnaatitaavoq neqeroorutini qinersersisinnaalluni imaluunniit tamaasa atorunnaarsissinnaallugit.
Inussiarnersumik inuulluaqqusillunga
Suliassaqarfik Inoqarfik Aasiaat
Kommune Qeqertalik
Neqeroorutit allattassormaffiat qallunaatut allaqqaavoq