Kommune Qeqertalimmi katersorneqarsimapput qinigassanngortinniarlutik nalunaarutit, najukkamilu ataatsimiititalianut qinersisoqassaaq, qinersinissamut atatillugu qinigassanngortittunik naammattunik nalunaarfiusimasuni.
Kangaatsiami Qeqertarsuarmilu najukkami ataatsimiititalianut qinigassanngortittut ikippallaarnerat tunngavigalugu qinersinissat kinguartinneqarput. Nalunaarnissamut killissarititaasoq nutaaq pillugu kingusinnerusukkut paasissutissiisoqarumaarpoq aamma ulloq qinersivissaq nutaaq ilanngullugu.