Kommune Qeqertalimmi kommunalbestyrelsemut qinersineq nal. 09.00 ammarneqarpoq qinersinermi aqutsisumit Kristine S. Gedionsenimit.
Aasianni sila qulisimalluni nittaakujukkaluartoq nillerlunilu kommunalbestyrelsemyt qinersineq 2025 innuttaasunit soqutigineqarluarluni ammarneqarpoq.
Kommune Qeqertalimmi ukiuni 36-ni qinikkatut borgmesteritullu ingerlasoq Ane Hansen, Inuit Ataqatigiit, ukioq manna 2025 kommunalbestyrelsemut qinigassanngorteqqinngilaq. Qinersereertorlu anillattoq aperigakku allaqqinnaamik qinersilluni qanoq innersoq, akivoq: Nuanneq, nuannersorujuuvoq.
Parteeqataa Mariane S. Larsen borgmesteritut sassartoq aamma qinersereertoq assilineqarpoq. Kiisalu aamma borgmesteritut sassartoq, 1. viceborgmesteriusimasorlu Frantz Lundblad, Siumut, aamma assilineqarpoq.
