Sisamanngorneq marsip ulluisa 27-anni 2025 Kommune Qeqertalimmi kommunalbestyrelsi ileqquusumik naggataamik ataatsimiippoq.
Ileqquusumik ataatsimiinnermi oqaluuserisassat nalinginnaasumik ingerlanneqareermata borgmester Ane Hansen politikerinut qineqqusaaqqinngitsut qujassuteqarfigai tunissuteqarfigalugillu oqaaseqarpoq. Tassa atit taagorneqartut Kommunemut qinersilernermi uani qineqqusaaqqinngillat: Peter Olsen, Inuit Ataqatigiit, Hans Aronsen, Inuit Ataqatigiit, Enok Sandgreen, Naleraq, Naja Kristensen Atassut kiisalu borgmester Ane Hansen, Inuit Ataqatigiit borgmesterip tullianit Franz Lundbladimit, Siumut qujassuteqarfigineqarpoq.
Borgmesterip qujassuteqarnermini politikerit qinigassanngorteqqinngitsut ilaasortaanerminni suleqatikkuminartuuneri, angusarisimasaat kiisalu inuttut soqutigisaat oqaaseqarfigisarpai. Naggaterpiaatigullu aamma atorfilittat qujassuteqarfigineqarputtaaq.
Naggataatigullu kommunalbestyrelsi tamakkiisoq 2021-2025 assileqatigiipput.
