Kommune Qeqertaliup kissaatigaa innuttaasut tamarmik timertik pillugu peqqissuutitsinissaat, akuerinninneq, inuttut killissat, atoqatigiinneq atoqatigiinnerullu tungaatigut peqqissuunissaq ilanngullugit. Taamaattumik kingumut ukioq manna sapaatip akunnera sex ingerlanneqarpoq, ilaatigut meeqqat inuusuttuaqqallu atuarfimmi immikkut sammisaqartinneqarlutik, qanoq ukioqarnerat qassi klassimiinnerallu aallaavigalugit.
Kommunimi meeqqat siunnersuisoqatigiiffiata kissaateqarnera malillugu, ukioq manna inuit attaveqaqatigiittarfiini peqqissuunissaq immikkut sammineqarpoq, attaveqaqatigiittarfiit aqqutigalugit inersimasut meeqqanut inuusuttuaqqanulluunniit attaveqarniartarnerat malitsigisaanillu qaninialersarnerat (grooming) aamma assinik paquminartunik tamanut saqqummiinissamik siorasaaraluni tatisiniartoqartarnera ilanngullugit (sextortion). Pinerluttulerinermut inatsit 1. juli 2024 atuutilersumik allanngortinneqarpoq ilaatigut grooming aamma attaveqaatit atorlugit kinguaassiutitigut kanngutsaatsuliorfiginninnerit annikillisarumallugit.
2024-imi Meeqqat Siunnersuisoqatigiiffiata Aalajangersagaani Meeqqat Siunnersuisoqatigiiffiat ima kaammattuuteqarpoq: "Suleqatigiilluta socialmedia nuannersuutitsigu - ataatsimoorluta nukittuneruvugut!”
Video-mi grooming pillugu annerusumik saqqummiisoqarpoq.
Ukiumi immikkut qulequtarineqartoq pillugu, naartunarveersaatit paasissutissanillu allanik aallerfiusinnaasut ukunani nassaarisinnaavatit:
Grønlands Politi’s Kampagne (2021):
Tusaannga, attavissaq tlf. 801180
Najukkanni napparsimavik attavigiuk ikiortissarsiorlutit imaluunniit peqqinnissaq, naartunaveersaatit kinguaassiutitigullu nappaatit pillugit paasisaqarnerorusukkuit.