Qasigiannguani ulloq marlunngorneq 21-01-2025 anorersuarpoq. Anorip sakkortusinerpaaffiani 43,8m/s tikillugu anoraasuartarluni. Sapinngisamik aqqusinermi aputaajaasut ulapaarsimapput angallannerup ammaannarnissaanut. Taamaattoq sakkortusinerpaaffiani isumannaallisaaneq pillugu unikaallakkallaqqaarsimapput.
Unnuup ilaa aammalu pingasunngornerup ullaava sulisut ajoqutinik misissuillutik aallartilereersimalerput.
Iminnguaq B-740
Inissiaq Iminnguamiittoq B-740 qilaavata qalissiai anorip amusimavai tingillugillu, qujanartumillu annerusumik ajoqusiiffiunngitsumik. Taamaattoq qalissiap biili aqqusaarsimavaa. Piginnittuusorlu ilisimatinneqarpoq ajoqusersimanermut sillimmasiisarfimminut saaffiginnissasoq.
B-740-mi inissiami najungaqartut paasiniarnerani paasivarput inissiap iluanut erngartoqaranilu suermik isaasoqanngitsoq. Taamaattumik inissianik najukkaminniiginnassasut ilisimatinneqarput.
Qilaap qalissialersortinnissaanut suliaq aallartisalerpoq.
Eqqaavik
Eqqaaviup allaffia anorip millugussimavaa, taamaasilluni containeri ajoquserlugu.
Aqqusinermi napasut
Aqqusinermi napasut ilaatigut skilteq aammalu angallannermut isumannaallisaatitut tarrarsuut anorip tingissimavai.
Kommune Qeqertalik maanna ajoqusersimanermut sillimmasiisarfimmut suliamik aallartitsivoq qulaani allaaserisanut. Innuttaasunullu kaammattuutigissavarput arlaatigut anorimik peqquteqartumik aserfallattoqarsimappat, soorlu illu, aneerasaartarfiit allalu pigisat, taakkua nammineq ajoqusersimanermut sillimmasiisarfimmut saaffiginnissutigineqassammata.
Asseq: Allan Jeremiassen