Unnuk Kulturisiorfik januaarip ulluisa 18-ianni nunarput tamakkerlugu ingerlanneqarpoq, aamma Aasianni.
Aasianni Unnuk Kulturisiorfimmi Kommune Qeqertalik alakkarneqarsinnaasunut ilaavoq.
Tassa Sullissivikkut iseraanni Kommune Qeqertalik pillugu paasissutissat assigiinngitsut takuneqarsinnaapput apeqqutigineqarsinnaallutillu.
Qummut ingerlaqqikkaanni Kommune Qeqertalimmi Aasiannut tunngasut paasissutissat paasissutissiissutigineqarput.
Kingullertullu borgmesterip allattoqarfiani suliat suut ingerlanneqartarnersut oqaluttuarineqarput, borgmester sumi allaffeqarnersoq, sumi kommunalbestyrelsi ataatsimiittarnersoq, ataatsimiinnermilu tikeriaannaanngitsut sukkut ataasimeeqataasarnersut takutinneqarpoq oqaluttuarineqarlunilu.
Minnerunngitsumillu borgmesterip allaffianut ingilluni assilittoqarsinnaalluni.
Arfininngorneq januaarip ulluisa 18-ianni Kommune Qeqertalik inunnit 500 sinneqartunit alakkarterneqarpoq.
