Tallimanngorneq 29.november 2024 Meeqqat Isummersorfiisa ataatsimeersuarnerani Naalakkersuisunut, Borgmesterinut Kommunalpolitikkerinullu tunniussipput.
Tunniussinermi oqartussat Meeqqat Isummersorfiinut oqaaseqarput. Ukioq mannalu ataatsimeersuarnermi Ilulissani pisumi oqaluuserineqarpoq: Meeqqat inuusuttullu digitalikkut attaveqatigiinnermi illersugaanerat.
Aalajangersagaq immikkoortunut sisamanut saaffiginnippoq:
1. Politikkerinut oqartussanullu
2. Angajoqqaat inersimasullu
3. Atuarfiit inuaqatigiillu
4. Meeqqat inuusuttullu
Aalajersagaq ataatsimut tamaat isigalugu nittartakkakkut eqqunngitsuliorfigineqannginnissamik siusissukkut iliuusissanik ilisimasaqarnissaq pingaaruteqartuusoq oqariartuutigineqarpoq. Tamannalu ilutigalugu immikkut socialmedia pillugu immikkoortortaqarfeqalissasoq taakkuninngaannaq sullissisunik politiit suliaat annertoqimmata.
Aalajagersakkami aamma ilaatigut angajoqqaanut ima iliuuseqaqataasinnaanerannik kaammattuuteqarput: Angajoqqaat saaffigiuminartut meeqqamut, tassa imaappoq tatigiuminartut allaffigitissimagaanni annissuiffigisinnaasat angajoqqaat.
Atuarfinnut klubbinilu immikkut socialmedia pillugu sammisaqartitsisoqartalernissaa oqariartuutigineqarpoq.
Aalajangersakkallu naggaserneqarpoq: Suleqatigiilluta socialmedia nuannersuutitsigut - ataatsimoorluta nukittuneruvugut!
