Aggustip 8-niit aggustip 13-iata tungaanut Kommune Qeqertalimmi viceborgmester Franz Lundblad aamma Ataatsimiititaliap Inuit siulittaasuat Niels Kristensen atorfilittallu marluk illoqarfittut ikinngutitaarput Saint-Philippe, Afrikap kujataani kangianiittoq Réunionimiittoq tikeraarpaat. Tikeraarneq Saint-Philippemi Vacoa Festivaleqarnera iluatsillugu ingerlanneqarpoq.
Tikeraartitsisuniit, tikeraanit aammalu illoqarfimmiunit alutorineqaqaaq, tassa tikeraat 12.950 kilometerinit ungasitsigisumiit aggersuunerat pillugu.
Ikinngutigiilernerup siunertaasa ilagaat inuusuttunik ilinniartunik paarlaasseqatigiittarnissaq, taannalu siullertut anguniagassatut siullertut anguniarneqarpoq.
Saint-Philippe aamma Kommune Qeqertalimmi pingaartitat naleqartitallu assigiissulerujussuupput makkuusut: Imminut pilersorneq, piujuaannartitsineq, meeqqat atuarfianni atuartut aallunneqartut, meeqqat kommunalbestyrelseqartut, maani Meeqqat Isummerfianut assingusoq.
Naleqartitat pingaartitallu assigiissuteqaraluaqisut aamma nutaamik eqqarsalersitsipput.